По повод одбележувањето на 50 години од смртта на големиот македонски интерпретатор Никола Бадев, денес беше положено свежо цвеќе пред неговиот споменик, во знак на почит и благодарност кон неговото непроценливо дело, објави градоначалникот на Кавадарци, Митко Јанчев.
Во негова чест се одржа и свечена академија, посветена на животот, творештвото и трајното наследство на човекот чиј глас и денес живее во македонската народна песна.
Никола Бадев остави неизбришлива трага во македонската музичка традиција, а неговите песни продолжуваат да се пеат и да ги поврзуваат генерациите.
Вечна му слава и благодарност, објави Јанчев на социјалните мрежи.