Македонија

Османи: Охридскиот договор и европските интеграции на Македонија се во опасност

Според него, Македонија останува заглавена на својот пат кон ЕУ, бидејќи за да продолжи напред мора да направи уставни измени за да ги вклучи Бугарите во Уставот

2 минути за читање

тПотпретседателот на ДУИ, Бујар Османи, на средби во Брисел со претставници на Европската Унија на кои, пренесуваат медиуми, ги информира за она што интегративците го сметаат за загрижувачко за иднината на Македонија – прекинувањето на патот кон ЕУ, влошувањето на меѓуетничките односи и кршењето на основните принципи на Охридскиот мировен договор.

„Да ги покренам двете главни прашања од С.Македонија, кои се разочарувачки за иднината на земјата: Пропаѓањето на Охридскиот мировен договор и прекинувањето на европскиот пат, овие две теми се основа на благосостојбата и безбедната иднина на граѓаните и се надевам дека ова ќе го вклучи алармот и фокусот на Европската Унија да ги прекине овие динамики“, рече Бујар Османи.

Во изјава за ТВ21, поранешниот министер за надворешни работи Османи посочи дека за време на неговиот дводневен престој во главниот град на ЕУ, ќе разговара со претставници на Европската комисија, одговорни за проширувањето на унијата, како и со европратеници.

„Во Брисел сум на состаноци на високо ниво во Европската комисија, со директорката за проширување, со кабинетот на Марта Кос, службата за надворешна политика на ЕУ, како и со голем број европратеници од различни парламентарни групи во Европскиот парламент“, изјави Османи.

Според него, Македонија останува заглавена на својот пат кон ЕУ, бидејќи за да продолжи напред мора да направи уставни измени за да ги вклучи Бугарите во Уставот.

Опозицискиот Европски фронт покрена парламентарна иницијатива за собирање потписи за уставни измени со цел деблокада на процесот на европска интеграција на земјата, повикувајќи ги пратениците да го поддржат патот на европска интеграција на земјата. Коментирајќи го ова, премиерот Христијан Мицкоски рече дека ДУИ треба да работи на проблемите што ги има со кадрите и програмата на партијата, додавајќи дека државните прашања ги решава владата.

Поврзани теми:

избор|Бујар османи|евроинтеграции|Брисел|Охридски договор|средби

Повеќе на оваа тема:

Најнови вести од: Македонија

Египќаните во Македонија се оградуваат од Рубин Земон: Со негатори на македонскиот народ не би се сретнале, а камоли да пиеме кафе!

Припадниците на посебната и автохтона етничка заедница Египќани во Македонија се оградуваат од ставовите и постапките на Рубин Земон, бидејќи, како што велат тие се лично негови.

Кекеновски: СДСМ и Филипче паничат и хистеризираат, оти правдата им тропа на врата! Судиите и обвинителите мора да го казнат криминалот и башибозукот на арамиите!

„До кога СДСМ ќе размислува, дејствува и ќе реагира на ваков начин како што реагира цело време откако Филипче е на чело на партијата? Секогаш кога ќе се отвори прашањето за криминал, корупција и барања судиите и обвинителите професионално, одговорно и согласно законот да си ја вршат работата, веднаш почнуваат приказните за „притисок врз обвинителството“ и „загрозена независност на судството“.Целата оваа нервоза и паника што јавно ја демонстрираат СДСМ и Филипче секогаш кога ќе се повикаат судиите и обвинителите на совесно работење и да не потпаѓаат под политички влијанија, најверојатно е резултат на стравот дека правдата конечно може да стигне и до нив!“ – нагласува универзитетскиот професор Јове Кекеновски во својата колумна, која ја објави информативниот портал „Курир“.

ВМРО ДПМНЕ: За Филипче „Бугари во Устав“ е единствен проблем со Бугарија, но по тоа би уследила промена на сета историја на Македонија и негирање на македонскиот јазик!

„Само Венко Филипче, специјалниот пратеник на Румен Радев во Македонија, слепо верува на неговите политики дека уставните измени се последната пречка за нашиот влез во ЕУ. Но, уставните измени не се последната пречка, ниту се последно барање на Бугарија.“ – реагира жестоко ВМРО ДПМНЕ.

Роамингот меѓу Македонија и ЕУ на чекор до укинување

Aмбасадорите на земјите членки на ЕУ на 3. јуни треба формално да го разгледаат и одобрат мандатот за почеток на преговори, а потоа министрите на Унијата да ја потврдат одлуката. Со тоа Европската комисија би можела да почне билатерални разговори со секоја држава од Западен Балкан одделно, меѓу нив и Македонија. Но важната реченица за граѓаните е оваа: роамингот сè уште не е укинат. Ова е отворање пат, не финална рампа што веднаш се крева.

Скандалозно омаловажување и негирање на Македонците од Сулејмани: Тоа е народ на туѓи херои, а можеби се и внуци на првите балкански диносауруси!

„Денес нашите македонски соседи го слават Денот на азбуката. Сериозен празник, со сериозни говори, сериозни академици и луѓе, кои сериозно климаат со главите, како азбуката да им ја оставил нивниот дедо во неговиот тестамент. Азбуката, како што е познато, ја донеле браќата Кирил и Методиј – Бугари или не, но ова е тема што сè уште ги прогонува историчарите од регионот. Но, проблемот започнува штом групата ќе испие неколку чаши ракија и ќе почне да раскажува чудни приказни. Затоа што, според официјалната верзија, Македонците денес се во исто време: и Словени, и антички, потомци на Александар Велики, братучеди на Сонцето од Вергина! А ако можеби ќе се појават дека се дури и внуци на првите балкански диносауруси.“ – наведува публицистот и „аналитичар“ од Куманово Сермет Сулејмани во своето писание, намерно објавено токму на 24 мај, денот на Кирил и Методиј, македонските и сесловенски просветители. Сулејмани не само што изнесува скандалозни омаловажувања на сиот македонски народ и го изложува на јавно исмевање неговиот национален и културно-јазичен идентитет, туку се впушта во негирање на тој идентитет и на историјата на македонскиот народ и неговите историски личности, индиректно доведувајќи ги еден од столбовите на македонскиот идентитет Кирил и Методиј во врска со Бугарите!
Сите вести од Македонија

Најнови вести

To top