Македонија

Откриена уште една бугарска пропагандна машина на македонски јазик

Анте Поповски открива дека бугарски портал кој објавува на македонски јазик дава лажни податоци за неговиот дедо

Внукот на македонскиот револуционер Ѓоргија Попангелов открива уште една бугарска пропагандна машина на македонски јазик.

Анте Поповски открива дека портал кој објавува на македонски јазик дава лажни податоци за неговиот дедо Попангелов.

Бугарскиот портал тврди дека македонскиот револуционер е бугарин, што е раскринкано како лага од неговите наследници кои знаат дека тој е Македонец.

,,Пред извесно време, на веб страницата vistinata.mk, беше објавен запис за животот, револуционерната дејност и трагичната смрт на мојот прадедо Георги Попангелов, учесник во Илинденското востание, војвода на Слатинската чета и револуционерен деец на ВМРО.

Го споделувам со една мала, но суштинска исправка, во согласност со нашата семејна, но и со пошироката национална меморија и историската традиција на македонскиот народ.

Покрај својата револуционерна дејност поп Ѓоргија нè задолжил и со значајно духовно, културно наследство. Неговиот ракописен препис на Калистратовата служба на Свети Наум Охридски, датиран во 1904 година во манастирот „Свети Јован Бигорски“ денес се чува во Државниот архив на Македонија, како дел од збирката оригинални ракописни записи на црковнословенски јазик. Овој ракописот e драгоцено сведоштво за континуитетот на охридската православна богослужбена традиција и македонската духовна дејност во тоа време.
Низ различни извори и историографии, неговото име , како и имињата на многу други личности од нашата историја, биле предмет на различни идентитетски толкувања и присвојувања. За среќа, зад овие луѓе останало нешто што не може лесно да се избрише, нивните семејства, потомци, сведоштва и жива меморија за сопствената припадност.

Наша должност е да го сочуваме тој спомен автентичен, неизменет и достоинствен и таков да го предадеме на идните генерации.

Честит 23 Октомври, Денот на македонската револуционерна борба”, пишува внукот на револуционерот Попангелов.

Порталот вистината.мк е дел од бугарската мрежа на портали кои на перфиден начин објавуваат вести на македонски јазик со цел да ги манипулираат Македонците за историјата и политиката.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top