Македонија

Почина 72-годишен скопјанец од западнонилска треска в болница

Седумдесет и двегодишен скопјанец почина по компликации од западнонилска треска, соопшти денеска директорот на Инфективната клиника во Скопје, Фадил Цана. Пациентот бил со тешка клиничка слика на менингоенцефалитис, а уште при приемот во болница бил во тешка општа состојба.

1 минута за читање

За една недела, втор смртен случај од вирусот западнонилска треска на Клиниката за инфективни болести во Скопје. Почина 72-годишен маж кај кого била утврдена и клиничка слика на менингитис. На Клиниката во моментов се хоспитализирани 24 пациенти, од кои неколкумина се на механичка вентилација.

Пред неколку дена, од вирусот почина 83-годишен маж од Скопје, кој бил лекуван на Инфективна. Кај пациентот биле присутни и вкочанетост на вратот и нарушена свест, а била утврдена и клиничка слика на менингитис. Дополнително, кај него биле присутни и други болести. Присуството на вирусот на западнонилска треска било потврдено со серолошко испитување на ликворот.

Според податоците на Институтот за јавно здравје, симптомите на вирусот се покачена температура, треска, главоболка, општа слабост, како и болки во зглобовите и во мускулите. Здравствените власти прогласија епидемија поради зараза со вирусот во неколку скопски подрачја: Кисела Вода, Гази Баба, Драчево, Илинден, Трубарево, Јурумлери, Идризово. Најмногу регистрирани случаи на заболени од западнонилска треска има во Драчево.

Поврзани теми:

Скопска клиника|избор|комарци|западнонилска треска

Најнови вести од: Македонија

„Еволуција или револуција во војувањето? Од Заливската војна до Украина…“

Настанот ќе се одржи денеска во Порта Македонија со почеток во 10:30 часот, а во фокусот ќе бидат промените во современото војување, влијанието на новите технологии врз воените операции и предизвиците со кои се соочуваат вооружените сили и системите за колективна одбрана

За Бугарите Васил Бистришки „талкал околу македонското прашање“, иако јасно се борел против бугаризацијата на Македонија и Македонците! (2)

„Бугарскиот, српскиот и грчкиот империјализам го одрекуваат постоењето на македонската нација. За да покажеме дека немаат никакво право над Македонија и да ја попречиме нивната асимилаторска политика, ние, Македонците треба високо да изјавиме дека не сме Срби, Грци, ниту Бугари, туку одделна македонска нација со свој јазик, национален карактер и историја.“ – истакнал Васил Ивановски-Бистришки (18.10.1906-1991) во неговата бележита статија „Зошто сме, ние Македонците, одделна нација?“, објавена во 1934 година. Оваа статија е едно од најтемелните докажувања на македонската национална посебност и идентитет, напишана од Македонец на почетокот на 20 век. Сто и дваесеттата година од раѓањето на овој значаен деец за етноидентитетската, јазична и историска засебност на македонскиот народ е пригода за должно навраќање кон неговото дело.
Сите вести од Македонија

Најнови вести

To top