Македонија

Политикологот Башким Бакиу е сега кандидат на коалицијата Вреди за градоначалник на Скопје, а во 2017 бил кандидат на Беса за претседател на општина Сарај

Во моментов Башким Бакиу ја извршува функцијата директор на Дирекцијата за општи услуги во Универзитетскиот клинички центар во Скопјe

1 минута за читање

„Албанската коалиција Вреди го избра Башким Бакиу како свој кандидат за градоначалник на Градот Скопјe на локалните избори годинава. Кандидатурата на Бакиу е договорена меѓу коалициските партии и се очекува да биде официјализирана во наредните денови.“ – објави информативната агенција на албански јазик Илирија-ИНА.
Во веста агенцијата дополнува: Во моментов Башким Бакиу ја извршува функцијата директор на Дирекцијата за општи услуги во Универзитетскиот клинички центар во Скопјe.

Инаку, Бакиу (44) на својот фејсбук-профил наведува дека завршил додипломски студии по политички науки на Универзитетот „Св. Кирл и Методиј“ на насоката за политички науки, а магистерски студии на универзитетите Тренто, во Италија, Корвиниус во Будимпешта, Унгарија, и Универзитетот во Љубљана, Словенија, на тема „Споредбен локален развој“. Бакиу го наведува и своето искуство на полето на децентрализацијата. Ова е дел од неговата професионална биографија, која ја истакнал на општествената мрежа уште во 2017 година, кога бил кандидат на партијата Беса за претседател на општина Сарај.

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top