Пратеник од првиот состав на македонскиот парламент Михаил Пановски најавува битка меѓу урбаната мафија и нормалните граѓани.
Оваа битка се случува во Карпош каде според него урбаната мафија за свој претставник го има Стевчо Јакимовски.
Пановски испровоциран од веста според која ќерката на активистката која се бореше против изградба на зградата кај бензинската пумпа Макпетрол добила закани дека ќе биде силувана.
Зградата со дозвола од општина Карпош ја гради фирма на бизнисменот Фатмир Етеми.
,,Општина Карпош ке биде местото каде за 2 седмици ке се води битката помеѓу урбаната мафија предводена од актуелниот градоначалник и кандидатот Сотир Лукровски.
Овде не се работи за партиска борба. Тука битката е помеѓу нормалните граѓани и урбаната мафија, пишува екс пратеникот кој во 2018 даде поддршка за промена на името.
,,Ни беа одземени 2 спортски центри каде ние а потоа и нашите деца се рекреираа (Алумина и Комплексот Партизан) за да се изградат огромни зданија. Во моментот се гради исто такво грандиозно здание позади бензиската Макпетрол .
За изградбата на ова чудовиште мафијата и се закануваше со силување на нејзиното дете на носителката на листата на НЕЗАВИСНИ ЗА КАРПОШ – Татјана Чакулев.
Како човек кој учествувал во удирањето на темелите на нашата независност за време на Првиот повеќепартиски Парламент, и како лојален граѓанин на Карпош веќе 53 години, ЈАВНО ги повикувам НЕЗАВИСНИ ЗА КАРПОШ и нивниот носител на листа отворено да ги повикаат своите 2.708 гласачи да го дадат својот глас против Урбаната Мафија против која се бореа и трпеа закани узминатите 4 години и нивниот кандидат Јакимовски Стевчо.
Тоа се гласовите кои ке ја определат судбината на нашето идно урбано живеење.
Со ❤️ За КАРПОШ !!!”, пишува Пановски.