Филмот „Утре наутро“ во режија и по сценарио на Јани Бојаџи ја доживеа својата премиера пред огромна публика која исполни четири сали во Синеплекс.
Приказната за две жени кои бараат доволно причини, едната да замине, а другата да остане во земјата, полни со надеж дека утре наутро ќе биде подобро од денеска, ја гледаа бројни претставници на политичкиот и културниот живот во земјава.
„Филмот е посветен на сите оние жени во Македонија кои се подготвени да ги одбранат семејствата и заедницата на која се посветени“, вели Јани Бојаџи, режисер и сценарист на филмот.
Приказната за две жени кои бараат доволно причини, едната да замине, а другата да остане во земјата, полни со надеж дека утре наутро ќе биде подобро од денеска, ја гледаа бројни претставници на политичкиот и културниот живот во земјава.
„Филмот е посветен на сите оние жени во Македонија кои се подготвени да ги одбранат семејствата и заедницата на која се посветени“, вели Јани Бојаџи, режисер и сценарист на филмот.
Аида, млада докторка Ромка е силувана од нејзин постар колега, инаку влијателен хирург. Корумпираниот суд ја отфрла нејзината тужба со образложение дека за време на настанот таа не давала доволно силен отпор. Јоана Пеласка, сопругата на поранешниот премиер и нејзините деца се прогонувани заради видеофајлот на кој се гледа што се случило во нивната куќа вечерта кога американскиот амбасадор од таму ќе украде мала бронзена античка фигурина на која е претставено „Силувањето на Европа“.
Аида од жртва се претвора во насилник. Јоана е прогонувана од корумпираната политичка елита со моќ, за дела што ги направила во минатото. И од насилник се претвора во жртва. Откако ќе им се вкрстат животните патишта, двете жени бараат доволно причини – едната да замине, а другата да остане во Македонија И сè ќе се преврти наопаку откако малолетниот син на Јоана ќе убие полицаец на должност…
Сценарист и режисер е Јани Бојаџи, продуцент: Јани Бојаџи, извршен продуцент: Дејан Милошевски, директор на фотографија: Дарио Секуловски, монтажер: Давид Дулев, продукциски дизајнер: Јани Бојаџи, сценограф: Гоце Попов, костимограф: Зорка Тодорова, шминкер: Ирена Сенокозлиовска, композитор: Јани Бојаџи.
Во главните улоги- Нина Деан и Ирена Илиевска, а во останатите улоги:Гоце Андонов, Јана Никодиновска, Кети Дончевска Илиќ, Бајрам Северџан, Горан Стојаноски, Васил Зафирчев, Роберт Вељановски, Благој Веселинов, Јана Вељановска, Димитрина Мицкоска.
Синоќа, комплетната екипа од филмот се поклони пред публиката во салите, а веќе од 20 ноември почнува целосна дистрибуција низ Македонија и денеска (20 ноември) веќе ќе го погледне публиката во Штип, Велес, Богданци, Струга и Крива Паланка.
Продуценти се: Синемон медија фактори, Револушн продакшн во соработка со Алфа Национална телевизија.