Македонија

Растат реакциите на социјалните мрежи откако „полуголи“ туристки се качувале по црквата „Св. Никола“ во Маврово (ВИДЕО)

Фотографиите и видеото предизвикаа силни реакции на социјалните мрежи

Јавно објавени фотографии на кои се гледаат лица во костими за капење кои се качуваат по надворешниот ѕид на кулата на црквата „Св. Никола“ во Маврово предизвикаа силни реакции на социјалните мрежи.

Авторот на објавата тврди дека станува збор за посетители кои пристигнуваат со комбиња и се качуваат директно на објектот на храмот, „облечени несоодветно за црковен и свет простор“, додека во текстот што ги придружува фотографиите се потенцира дека станува збор за место кое „претставува свет и духовен простор, а истовремено е дел од културното и туристичкото наследство на Маврово“.

Во објавата авторот директно се обраќа до институциите со зборовите: „Ова не е плажа, не е базен и не е место за вакво однесување“, поставувајќи притоа серија прашања за одговорноста на надлежните служби. „Дали има контрола на ваквото однесување? Дали некој ги предупредува посетителите дека станува збор за црковен храм? Дали постојат правила за пристап и однесување околу објектот?“, се прашува во текстот.

Авторот упатува и јавен апел до градоначалникот на Општина Маврово и Ростуше, комуналната инспекција, полициските службеници, Управата на Националниот парк Маврово и институциите надлежни за заштита на културното наследство. Од нив се бара „итно да се изврши увид на лице место“ и да се утврди кој го дозволил ваквото однесување, дали се прекршени прописи за заштита на објектот, дали е направена материјална штета, кој е одговорен за контролата, и доколку постои основ, да бидат преземени соодветни санкции против сторителите.

Во објавата се нагласува дека проблемот не се туристите како такви. „Не е проблемот што доаѓаат туристи од Германија, Холандија или од која било друга земја. Туристите се добредојдени“, стои во текстот, но се додава дека „секој посетител, без разлика од каде доаѓа, мора да го почитува местото што го посетува, неговата вера, култура, традиција и правила“.

Авторот истакнува дека целта на објавувањето на фотографиите не е навреда на туристите, туку алармирање на јавноста и надлежните институции. До моментот на пишување на веста, нема официјална реакција од Општина Маврово и Ростуше, полицијата или другите наведени институции.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top