Претседателката на грчката партија ГЛАСОТ НА РАЗУМОТ и европратеничка, Афродити Латинопулу, која на расправата за годишниот извештај за Македонија во Европарламентот ги прогласи Македонците за Бугари, се фали со постигната голема победа во Европскиот парламент.
Гркинката која се се фали дека е вистинска Македонка вели дека со три нејзини амандмани, поднесени за заштита на грчкото малцинство и Православната црква во Албанија, бил усвоен Годишниот извештај на Комисијата за напредокот на процесот на пристапување на Албанија.
,,Ова е невиден дипломатски успех, кој ја разоткрива грчката влада која мрзливо гледа додека ГЛАСОТ НА РАЗУМОТ води битки во европските институции за одбрана на нашите национални права”, пишува европратеничката која открива дека амандманите што успеа да ги вклучи во извештајот се однесуваат на:
1. Целосна гаранција за автономијата на Православната автокефална црква на Албанија и итно прекинување на каква било владина интервенција во црковните назначувања и имотните права.
2. Обезбедување основно и средно образование на мајчин јазик за сите национални малцинства, со акцент на грчкото образование во традиционалните домови на Северен Епир.
3. Заштита на верското и културното наследство на грчкото малцинство, реставрација на цркви и гробишта и спречување на рушење што му штети на нашето историско присуство.
Латинопулу во исто време одбива да прифати постоење на македонско малцинство во Грција кое предходно ја покани да докаже дека е вистинска Македонка.
,,Македонката” Латинопоулу доби покана да докаже дека е вистинска Македонка (ВИДЕО)