Македонија

Се враќаат „старите“ имиња на улици во Тетово

Уставниот суд на вчерашната седница со мнозинство гласови ја укина одлуката со која во 2007 година, во Тетово, беше извршено преименување на повеќе улици и на централниот градски плоштад од „Маршал Тито“ во „Илирија“

2 минути за читање

 

Судиите на Уставниот суд на почетокот на март годинава ја прифатија иницијативата поднесена од Општинската организација на сојузот на борци од Народноослободителната и антифашистичка војна на Македонија 1941-1945 и граѓаните продолжувачи Тетово и поведе постапка за одлуката на Советот на Општина Тетово со која пред речиси 20 години беа преименувани улици и централниот градски плоштад, а на денешната седница донесе конечлна одлука.

„Судот, со мнозинство гласови, одлучи да ја укине Одлуката за промена на имињата на улици, плоштади, мостови и на други инфраструктурни објекти во Општина Тетово, бр. 07-766/4 од 24.04.2007 година („Службен гласник на Општина Тетово“ бр. 25/2007 од 26.04.2007 година)“, соопштија од Уставен.

На одлуката на Уставен, попладнево остро реагираа од Демократската унија за интеграција (ДУИ), оценувајќи дека таа покажува дека, како што велат од опозициската партија, кампањата за демонтирање на политичките достигнувања на Албанците влегува во нова фаза.

Според ДУИ, враќањето на името „Маршал Тито“ на централниот плоштад во Тетово е само најновиот знак на една реалност што секој ден станува сè поочигледна, а тоа, велат од партијата, е дека државните институции се користат за бришење на трагите од еднаквоста која е стекнувана со децении политички напори.

„Во овој процес нема место за изненадување. Кога албанската застапеност се сведува на владин декор, одлуките почнуваат да ги носат други. Кога недостига храброст за одбрана на националните интереси, загубите стануваат неизбежни. Кога власта станува поважна од застапеноста, последиците ги плаќаат граѓаните“, соопштиуја интегративците.

Поврзани теми:

топ|тетово|улици|преименување|Маршал тито|прлоштад

Повеќе на оваа тема:

Најнови вести од: Македонија

Уште во 2023 претходната влада на СДСМ и ДУИ стапила во деловни односи со „Алта банка“ – Белград и Давор Мацура од Србија, дозволувајќи им влез во РМ

Претходната влада на СДСМ и ДУИ влегла во деловни односи со Алта банка – Белград и Давор Мацура во Србија уште во 2023 година кога на владина седница била донесена одлука да го овласти државниот правобранител во име на владата да ги отуѓи акциите што Македонија ги имала во српска банка, која Алта банка ја […]

Мицкоски: Предвремени парламентарни избори ѝ одговараат на ВМРО-ДПМНЕ, но неодоговорно е да се одржат, оти ѝ штетат на Македонија

Премиерот Христијан Мицкоски и лидер на ВМРО-ДПМНЕ смета дека во моментот е неодговорно кон државата да се организираат предвремени парламентарни избори иако, како што вели, ако се гледа од политички аспект на неговата партија, тоа ѝ одговара.

Повторно зачестени измамнички пораки за наводна наплата на сообраќајни прекршоци – МВР повикува на внимателност

Станува збор за обиди за фишинг измами, при што преку лажни пораки и линкови се бара од граѓаните да пристапат до веб-страници и да внесат лични и банкарски податоци, со цел нивна злоупотреба. МВР апелира до граѓаните да бидат особено внимателни и да не отвораат сомнителни линкови, да не внесуваат податоци од платежни картички, лозинки […]

Народната банка на Македонија и гувернерот Славески поднесоа кривични пријави против Филипче, Димитриевиќ и Жерновски во врска со „Алта банка“!

Народната банка и гувернерот Трајко Славески поднеле кривична пријава против претседателот на СДСМ, Венко Филипче, и против генералниот секретар на партијата, Александар Саша Димитријевиќ, во врска со случувањата со Алта Банка АД Битола.

„Непостојниот“ македонски јазик и идентитет во концепцијата на Антоан Меје за „новата Европа“ – 26 години пред АСНОМ и кодификацијата (2)

Од денешна перспектива, придонесот на Меје може да се оцени на неколку нивоа. На балканско ниво неговото дело претставува аргументиран научен отпор кон обидите македонските говори целосно да се подведат под српскиот, или бугарскиот јазичен концепт. На европско ниво неговото значење произлегува од фактот што оваа анализа ја објавува еден од најугледните европски лингвисти, во Париз, во дело посветено на јазичната карта на Европа. Македонија  и македонскиот јазик на тој начин стануваат предмет на разгледување во една поширока европска научна дискусија за јазиците, нациите и државите.

Владата презема низа мерки за да ја заштити Македонија од нагли поскапувања на струјата и од ценовни шокови како во ЕУ

Владата презема низа мерки за да ја заштити домашната економија од енергетската криза што ја зафати Европа, каде што цените на енергенсите се зголемени два до три пати. Целта е зимата да помине без нагли поскапувања на електричната енергија и без ценовни шокови какви што се забележуваат во земјите од Европската Унија.
Сите вести од Македонија

Најнови вести

To top