Eдна година по трагичната смрт на Душко Чифлиганец, неговата сестра Драгана Чифлиганец се врати на патеката каде што го загуби својот брат и сподели емотивна порака што допре многумина.
Наместо празничен ден, за семејството Чифлиганец 3 Август останува ден на болка и сеќавање.
„Празнина како вулканска дупка. Болка за која никогаш не можев ни да помислам дека ќе ја доживеам. Наместо празник – тага до крајот на животот. Помина една година, а болката не стивнува, само е поголема од ден на ден. Недостигаш во секој ден, во секој здив и во секој момент. Те сакам бескрајно. #tomandjerryforever“, напиша Драгана Чифлиганец.
Душко Чифлиганец трагично го загуби животот на 3 август минатата година во Чешка. Тој беше дел од раководните структури на „Адора“. Беше талентиран. Млад бизнисмен и познат како љубител на автомобили и мотори. Има добиено и бројни престижни признанија за брзински мотоциклизам.