Во врска со прашањто на преименувањерто на дел од улиците во Тетово, претседателката на Македонија синоќа изјави дека „граѓански, инклузивно и со консензус треба да се реши прашањето за преименувањето на улици“ во овој гград.
Гордава Сиљановска-Давкова синоќа во Тетово, се сретна со тамошниот градоначалник Биљал Касами, а потоа заедно присуствуваа на македонска музичка вечер во рамки на манифеестацијата „Тетовско културно лето“.
„Мислам дека тоа треба да се реши така како што треба – граѓански, инклузивно, со консензус. Секогаш велиме дека тоа т.н. двојно мнозинство и бадентерово мнозинство подеднакво важи и на централно и на локално ниво и дека никој не може да биде и не треба да биде исклучен кога се решава прашање што директно го засегаат идентитетот, а со тоа и интегритетот на сите луѓе“, рече претседателката.
Една од причините што е во посета на Тетово, е со цел, како што кажа, да покаже дека е претседателка не само на граѓаните на Скопје, туку на сите граѓани, без оглед на припадноста.
„Но, и да покажам дека сум подготвена да одам и онаму каде градоначалниците не се од македонска етничка припадност, бидејќи тоа е ирелевантно за граѓанското општество. Проблемите се исти секаде и ги засегаат сите луѓе“, рече Сиљановска Давкова.
Градоналаникот на Тетово, Биљал Касами рече дека го има истиот став како и претседателката, односно дека се работи за именување на улици, плоштади, мостови, нешто што е инклузивен процеес, но и транспарентен, што значи дека секој граѓанин треба да биде дел од процесот.
„Треба да покажеме дека Тетово е европски град каде граѓаните живеат во урбанистички услови и секој ќе има адреса каде можат да го најдат институциите и пријателите“, рече градоначалникот.
Општина Тетово го одложи процесот за промена на имињата на улиците