На лудоста на луѓето никако да им дојде крајот. Во раните утрински часови кога е тивко, барем околу природа, во кумановската населба Средорек избувнал пожар откако лице во алкохолизирана состојба фрлило молотов коктел врз сува трева, соопшти Министерството за внатрешни работи.
Инцидентот бил пријавен во 02:10 часот, по што полициска екипа излегла на терен и го затекнала осомничениот, 27-годишниот С.С. од Куманово.
Според полицијата, очевидец го посочил токму него како сторител на делото. По приведувањето, било утврдено дека С.С. имал 2,40 промили алкохол во крвта. Тој е задржан во полициска станица, а против него ќе бидат преземени соодветни мерки.