Македонија

Таравари: Само Касами може да прифати 800 илјади евра од српска компанија за градба на црква и гробишта на албанско општинско земјиште во Тетово?!

Какво е тоа „албанско општинско земјиште“, што „постои“ на територијата на Република Македонија, според Арбен Таравари, челникот на едното од крилата во Алијансата за Албанците, во состав на Националната алијанса за интеграција на ДУИ и Али Ахмети? Што сака да порача Таравари, велејќи дека „изградбата на црква и гробишта на албанско општинско земјиште токму во Тетово со пари на компанија од Србија е прашање со политички и историски димензии, кое ги загрижува сите Албанци од регионот“?

Лидерот на едното од крилата во Алијансата за Албанците Арбен Таравари вечерва на изборниот митинг на Националната алијанса за интеграција (НАИ) во Боговиње, изрази „голема вознемиреност, поради најновиот развој на настаните во општина Тетово“, каде што – според него – „српска компанија донираше 800 илјади евра за изградба на црква и гробишта, токму на албанско општинско земјиште“. Таравари ја осуди остро „донацијата од Србија, што ја доби општина Тетово, предводена од Билал Касами“. Ова го објави информативниот портал на албански јазик „Тетова сот“.

Порталот пишува: Обраќајќи се пред граѓаните, Таравари изјави: „Дали некогаш сте слушнале, во овие 35 години на независна Македонија, дека српска компанија донирала 800 илјади евра на албанска општина? Ако е така, кажете ми на која општина? Зошто е избрано токму Тетово?“ – рече Таравари.

Тој нагласи дека „не станува збор за обична локална тема, туку за прашање со политички, историски и симболични димензии, кое не треба да мине без одговорност“. „Ова не е случајност. Ова не е само помош за изградба на црква. Тука се работи за јасна политичка порака, што се крие зад ‘донација’.“ – напомна Арбен Таравари.

Тој потсети дека претходно реагирал, поставувајќи јавен транспарент, на кој пишуваше дека „тие 800 илјади евра не се за училиште, туку за црква и гробишта“.

Таравари нагласи дека „оваа ситуација не може да не ги загрижи сите граѓани-Албанци од регионот“. „Не е ли ова парадоксално? Да се гради црква на албанско општинско земјиште со пари од српска компанија? А потоа да се каже: ‘Не ја добивме оваа земја сами, туку ВМРО ДПМНЕ ја доби за нас.’ Ова е срамно. Ова е провокација“ – рече лидерот на едното од крилата во Алијансата за Албанците Арбен Таравари на изборниот митинг во Боговиње, Тетовско, објави „Тетова сот“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top