Македонија

Тошковски: Во тест периодот од половина месец на „Безбеден град“ намален бројот на повредени во сообраќајните несреќи

Тошковски истакна дека се согласува со пратеникот Хасани дека доцна се почнува со овој проект, за да се заштитат животите и здравјето на сите учесници во сообраќајот

Мора да се почне со имплементацијата на проектот „Безбеден град“, ќе ги решаваме сите проблеми, кои ќе произлезат во иднина. Мора да почнеме, имаме 145 жртви, истакна министерот за внатрешни работи, Панче Тошковски на собраниската говорница во одговор на прашање од пратеникот Илир Хасани од Европски фронт, кој воедно како лекар-траумотолог даде поддршка за имплементација на овој проект, со неколку забелешки, кои ги имаат упатено граѓаните.

Тошковски истакна дека се согласува со пратеникот Хасани дека доцна се почнува со овој проект, за да се заштитат животите и здравјето на сите учесници во сообраќајот.

– Се согласувам во делот со критиката дека касно го почнуваме овој проект. Апсолутно се согласувам, заради тоа што компаративно гледано, скоро секоја земја членка на ЕУ веќе длабоко го има имплементирано, која пред десет, која пред 15, па и повеќе години, а ние касниме. Но, не касниме месец- два, касниме да речам едно најмалку десет години, во имплементацијата на овој систем, рече Тошковски.

Министерот за внатрешни работи потенцираше дека за овој тест период од 15-16 дена, од страна на лекарите е констатирано дека е намален бројот на лицата со тешки телесни повреди кои учествувале во сообраќајните несреќи.

-Особено имајќи предвид дека просекот во Македонија на жалост последниве 15 години е 145 лица, наши луѓе, наши граѓани, наши комшии, наши пријатели, членови на фамилии итн, коишто сме ги изгубиле, во последните 15 години, пак ќе повтрорам, вие тоа и од лично искуство го знаете, просекот е 145 и можеби сме најлоши во Европа. Катастрофа е сега што треба да направиме, треба да почнеме и навистина очекувам поддршка од секој еден пратеник во ова Собрание, без разлика дали доаѓа од редовите на власта, или доаѓа од опозицијата. Заради тоа што во имплементацијата на овој проект нема политика. Во имплементацијата на овој проект нема Албанци, нема Македонци, нема професори, нема доктори, нема адвокати, нема земјоделци. Во имплементацијата на овој проект говориме за спасување на човечки животи, кои ги губиме секојдневно најмногу во Европа, додаде Тошковски.

Тој како за пример посочи дека ако во една Хрватска просечно годишно гинат на минумим еден милион жители околу 65, во Словенија околу 55, Германија и Австрија околу 40-45, Шведска, Данска, Норвешка (скандинавските земји) е околу 20, а кај нас какошто рече Тошковски „докторе на жаласот просекот е по милион жител некаде околу 80 и тоа не е денес, само така 2025, 2024 година. Тоа е 15 години наназад“.

– Катастрофа сме, што треба да направиме, треба да почнеме, каде треба да почнеме-овде треба да почнеме. Собранието треба да ги донесе сите оние закони, коишто денеска поминаа, се надевам дека ќе дадете максимална поддршка. Дали негде ќе згрешиме? Да. Дали нешто можеме да го подобриме во иднина? Да. Ама мислам дека мора да се сложите дека мора да почнеме, ќе ги решаваме сите проблеми кои ќе произлезат во иднина. Мора да почнеме, 145 жртви, посочи Тошковски.

Пратеникот Хасани истакна дека увидени неколку слабости во текот на тест периодот, а тоа е стигнување на опомонена или казна за возење на 51 километар на час, потоа дел од граѓаните немаат мобилни телефони или мејл адреси за да им пристигнуваат казните, како и дека примената е само во неколку градови, но не и во останатите. Но, како лекар траумотолог ја даде поддршката за носење и имплементација на проектот „Безбеден град“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top