Македонија

Три критични пожари – авион и хеликоптер во акција над Николиќ, Крушје и Локвица

Покрај авионот, на терен е вклучен и еден армиски хеликоптер со ведро за гаснење, исто така со капацитет од три тона вода.

2 минути за читање

Од вкупно околу 15 активни пожари на отворен простор низ државата, најсериозни се трите кои беснеат кај селата Николиќ, Крушје и Локвица, информираше попладнево директорот на Дирекцијата за заштита и спасување, Стојанче Ангелов. Најдолго активен е пожарот во атарот на дојранското село Николиќ, кој трае веќе повеќе од една недела. Во утринските часови, интервенција започнаа екипи од „Национални шуми“, потпомогнати од противпожарните единици на Валандово, Гевгелија и доброволците од Дојран. Дополнителна поддршка обезбедуваат ДЗС, припадници на Единицата за брзо распоредување, како и пожарникари од Кавадарци со водени топови.

  • „Утрово беше ангажиран и ер-тракторот од типот ‘амфибија’, со капацитет од три тона вода, кој полни од Дојранското Езеро и со прецизни интервенции значително ја зголемува ефикасноста на гаснењето“, истакна Ангелов.

Покрај авионот, на терен е вклучен и еден армиски хеликоптер со ведро за гаснење, исто така со капацитет од три тона вода.

Во однос на новоизбиените пожари кај селата Крушје (општина Велес) и Локвица (општина Македонски Брод), Ангелов нагласи дека се работи за пожари кои се прошируваат брзо и ќе бидат потешки за целосно гаснење.

  • „Го следиме развојот на состојбата. Интервенираме координирано и со максимална подготвеност на сите служби, со цел заштита на населението и шумските површини“, додаде тој.

Дирекцијата за заштита и спасување апелира граѓаните да бидат крајно внимателни и да не палат оган на отворено, особено во услови на високи температури и силен ветер.

Поврзани теми:

топ

Најнови вести од: Македонија

Димитриеска-Кочоска: Неопходно е внимателно управување, силни институции и примена на фискалните правила

Фискалната стратегија во претстојниот период ќе се соочи со сложена задача да го усогласи потребното стеснување на буџетот со стимулацијата за економски напредок. Министерката за финансии, Гордана Димитриеска Кочоска, нагласи дека за ова е потребно претпазливо управување, цврсти институции и строго почитување на фискалните прописи.

Вандализам во ОУ „Ванчо Прке“ во Штип: цртани нацистички свастики, демолирани тоалети, оштетени кабинети по предметна настава!

„На 30.4.2026 година, во 6:18 часот, во СВР Штип е пријавено дека во основно училиште на подрачјето на Штип, едно лице насилно влегло во просторија на училиштето, при што оштетило дел од инвентарот (монитори) и испишало графит со недолична содржина. Се преземаат мерки за расчистување на случајот“, соопшти полицијата, која два часа вршеше увид во објектот.

Теодосиевски: Дали шарлатаните од сектата, што глуми партија, не гледаат дека со бугарските шизофрени услови за „Бугари во Устав“ се отвора бездна пред Македонија?!

Денес кај нас станува особено тешко да (си) разјасните дали одделни „групации“ – меѓу нив и оние што глумат политички партии и нивната „интелектуална“ клиентела – се навистина толку глупави па не разбираат за што се залагаат, дали сериозно не разбираат за што станува збор, или нивните (веќе) отворено антидржавни заложби кријат некакви „таинствени“ интереси… Зашто, дури и кога отворено и до детали го предочуваат „историјатот“ на македонско-бугарскиот спор со сите негови нецивилизирани услови и стапици, тие повторно ургираат за некакви „Бугари во Устав“ – и кои, оние 250? – и надминување на само ним познатиот „ќор-сокак“ во македонските евроинтеграции. И зарем кога го препрочитуваат историјатот на сите оние бугарски шизофрени услови навистина не разбираат за што таму станува збор? И веруваат во коренита историска пресвртница со просто внесување на 250 Бугари во Уставот? Каков црн „ќор-сокак“, зарем навистина не го гледаат отворениот пеколен амбис? Ова го пишува Златко Теодосиевски во својата колумна со наслов „Можно ли е да се толку глупави“?

Таравари: УЧК беа борци за слобода, а не албански терористи, да се смени овој шовинистички говор на омраза во спомен-плочата!

Лидерот на Алијансата за Албанците Арбен Таравари побара да се смени текстот од спомен-плочата во касарната „Илинден“, посветена на загинатите припадници на безбедносните сили во масакрот кај Вејце во 2001 година, каде што на 28 април 2026 година министерот за одбрана Владо Мисајловски оддаде почит. Таравари смета дека изразот „Паднати во војна против албански терористи“, кој што стои на плочата, е „неприфатлив и навредлив за дел од граѓаните“. Инаку, масакрот кај Вејце се смета како најкрвав и најбрутален настан во поновата историја на Македонија. На 28 април 2001 година околу 18 часот од заседа биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осумтемина убиени, имало и шестмина повредени. При нападот, од колоната успеало да се извлече последното возило и да јави за нападот. Во тој напад на ОВК (УЧК) убиени се Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).

Мицкоски: Загрижен сум за здравствената состојба на поединци во актуелното раководство на СДСМ

Јавноста е сведок на кампања и речник што не доликува на политичката сцена во Македонија, истакна Мицкоси и рече дека можеби треба да се бара лекарско (уверение) за пристапување во органи на партиите
Сите вести од Македонија

Најнови вести

To top