На автопатот Тетово-Скопје попладневно се случи тешка сообраќајна несреќа. Дежурен јавен обвинител од Основното јавно обвинителство Тетово извршил увид на местото каде загинаа три лица а едно дете е повредено.
Обвинителството соопшти дека се преземаат сите дејствија за утврдување на причините и околностите кои довеле до трагедијата. Издадена е наредба за обдукција на починатите, а за возачот на автобусот е наложено испитување за евентуално присуство на алкохол или психоактивни супстанции.
Возилата се одземени за технички преглед со цел да се провери нивната исправност во моментот на несреќата. На местото на настанот бил повикан и сообраќаен вештак, а ќе биде изготвено и целосно сообраќајно-техничко вештачење врз основа на собраните траги, фотодокументација и останати докази.