Македонија

Трипуновски: Иднината на земјоделското производство во Македонија e да започнат младите да се занимаваат со него

На јавниот повик за млади земјоделци пристигнале вкупно 254 пријави, од кои се одобрени 117. Ова е само една од мерките, што досега се реализирани. Во 2026 година ќе бидат објавени и нови програми, наменети за младите земјоделци.“ – информира првиот човек на Министерството за земјоделство, шумарство и водостопанство Трипуновски.

„Министерот за земјоделство, шумарство и водостопанство Цветан Трипуновски продолжува со засилена поддршка за осовременување на земјоделството. Посебна нагласка се става и на младите земјоделци. Во интервју за „Њузмакс Балканс“ тој ги претстави резултатите од реализираните повици, но и плановите за следниот период.

„Како Министерство работиме на осовременување на земјоделството: веќе се објавени низа јавни повици, заради поттикнување на македонските земјоделци. Покрај стандардните и редовните ИПАРД-објави за набавка на механизација, преку националните програми објавивме серија јавни повици.“ – истакна  Трипуновски.

Еден од највпечатливите повици е т.н. мерка „50-50“, со која Министерството софинансира набавка на современа земјоделска механизација. „Првиот јавен повик од националните програми, кој го објавивме е за набавка на механизација. Тоа е мерката, позната меѓу земјоделците како ’50-50′, при што софинансираме набавка на современа механизација.“ – укажа министерот Трипуновски. 

Реализирани се повици и за приклучна механизација, како и за набавка на современи системи за заштита на земјоделските производи од климатските промени. Тука би сакал да го споменам и јавниот повик за инвестиции за набавка на опрема за производство на храна од животинско и неживотинско потекло, тоа е за малите семејни бизниси. Во овој јавен повик се и инвестициите за производство на вино и алкохолни пијалаци од помал обем. Преку овие јавни повици даваме пари за набавка на опрема и машини, кои ќе значат осовременување и подобрување на постојните капацитети.“ – посочи Трипуновски.

Особено внимание Министерството за земјоделство, шумарство и водостопанство посветува на младите земјоделци, како двигатели на иднината во аграрниот сектор. Тоа веќе дава конкретни резултати. Министерот Трипуновски информира дека на јавниот повик за млади земјоделци пристигнале вкупно 254 пријави, од кои се одобрени 117. Тој нагласи дека ова претставува само една од мерките, што досега се реализирани. Во наредната година ќе бидат објавени и нови програми, наменети за младите земјоделци. Министерот Трипуновски испрати јасна порака за иднината на земјоделството: „Клучот на иднината на земјоделското производство во Македонија, регионот и во светот е внесување свежа енергија, односно младите луѓе да започнат да се занимаваат со земјоделство.“ .

Нетпрес

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top