Инспекциските служби на Агенцијата за храна и ветеринарство (АХВ) во текот на неделава, за време на вонредна контрола кај еден оператор со храна, запленија и нештетно уништија околу 37 тони јаткасти плодови, зрнести и мешункасти производи, како и разни зачини – сите без декларации и со истечен рок на употреба од една до две години.
Ова го соопшти АХВ, откривајќи ги деталите за сериозниот прекршок. На операторот му е изречена времена забрана за работа, парична глоба и наредба за отстранување на недостатоците под надзор.
„АХВ неделава спроведе вонредни контроли и кај други оператори со храна – месарници месарници, ресторани, сендвичарници, маркети, за што заради утврдени недоследности (нерегистрирани оператори со храна, неспроведени задолжителени обуки на вработените за безбедност на храната, пуштање во промет на небезбедна храна и слично), на операторите со храна и на нивните одговорни лица им изрече парични казни, но и времени забрани за вршење на дејност. Издадени беа и наредби за отстранување на утврдените недостатоци со контролите, а затекнатата небезбедна храна беше нештетно уништена“, велат од Агенцијата.
Овие акции се дел од континуираните напори за заштита на јавното здравје и спречување на пуштање во промет на небезбедна храна.