Владимир Поповски го промовира својот авторски првенец „Непокорни Македонци“.
„Со огромно задоволство, мојата прва авторска композиција !!!
Со оваа песна ја отворам приказната за еден народ, што со векови носи тежини што ретко кој ги разбира. Народ, кој поминал низ поделби, тишини, неправди, прогонства, понижувања и стравови – но никогаш не престанал да стои исправен.
„Непокорни Македонци“ не е само песна.
Тоа е глас на сите, што ги нема во учебниците,
на сите, што ја чувале земјата со срце,
на сите, што ја носеле тагата тивко,
и на сите, што никогаш не се предале.
Овој текст е за:
• нашите прадедовци, што гаснеле во туѓи земји
• нашите баби, што чекале глас од далеку
• сите, што биле разделени со црти на карта
• сите, што биле казнети само затоа што биле Македонци
• сите, што го носат пирејот во душата
• сите, што веруваат дека правдата, колку и да доцни, не заборава
Песната зборува за раните, што болат,
за неправдите, што печат,
за гордоста, што не исчезнува,
и за љубовта кон Македонија, која нè држи обединети кога сè друго се урива.
Ова е почит кон сите непокорни души.
Кон сите, што издржаа, кон сите, што опстанаа,
и кон сите, што денес продолжуваат со крената глава.
Нека оваа песна биде потсетник:
Можат да нѐ делат,
можат да нѐ бришат,
можат да нѐ потиснуваат…
но не можат да ни ја земат душата.
Затоа што ние сме пиреј, што не се суши!!!“, напиша Поповски на фејсбук.
Првото авторско „чедо“ на Влатче на линкот.