Македонија

(Видео): Нов пазар за струја

Со новиот Пазар за струја во тековен ден ќе се овозможи тргување со електрична енергија во реално време. Очекуваните придобивки сè поголема ефикасност, стабилност и транспарентност при снабдувањето со струја.

2 минути за читање

Премиерот Христијан Мицкоски денеска на настан во организација на МЕМО ДООЕЛ Скопје официјално го означи почетокот на тргувањето на „Пазарот во тековниот ден“ – Intraday Market, оценувајќи го како значаен чекор кон модернизација и европска интеграција на македонскиот енергетски сектор. Во своето обраќање, Мицкоски порача дека воведувањето на Intraday Market не претставува само техничка новина, туку „сериозен исчекор кон модерна, стабилна и европски усогласена енергетика“.

„Ова не е само нова техничка алатка или уште една административна процедура. Ова е сериозен исчекор кон модерна, стабилна и европски усогласена енергетика“, истакна премиерот.

Тој нагласи дека новата платформа ќе овозможи поголема флексибилност во управувањето со електроенергетскиот систем, подобро балансирање и поефикасно користење на енергијата во реално време, особено во услови на европска енергетска трансформација.

„Нашата држава не смее да стои настрана. Напротив, мора да биде активен дел од европските енергетски текови и политики“, рече Мицкоски.

Премиерот ја потенцираше и улогата на МЕМО, посочувајќи дека компанијата со воведувањето на Intraday тргувањето уште еднаш покажала капацитет и професионалност.

„Овој успех е резултат на сериозна работа, стручност и посветеност“, додаде тој.

Според Мицкоски, Intraday Market ќе придонесе за поголема транспарентност, подобра ликвидност и зголемена конкуренција на пазарот на електрична енергија, а воедно ќе помогне и во справувањето со дебалансите и намалувањето на системските ризици. Во обраќањето тој се осврна и на механизмот CBAM, оценувајќи дека ваквите реформи ќе помогнат во ублажување на неговите ефекти врз домашната економија.

Мицкоски повтори дека Владата има амбиција Македонија во иднина да се позиционира како нето извозник на електрична енергија.

„Нашата цел е јасна – да изградиме енергетски систем кој нема само да ги задоволува домашните потреби, туку ќе ја позиционира Македонија како држава која може да биде и нето извозник на електрична енергија“, изјави премиерот.

На крајот од обраќањето, тој порача дека ова е само почеток на процесот на реформи во енергетскиот сектор.

„Денес испраќаме порака дека се менуваме, се модернизираме и се движиме напред“, рече Мицкоски, по што официјално го означи стартот на тргувањето на Intraday Market во Скопје.

Поврзани теми:

топ|влада|Мицкоски|струја|енергетика

Повеќе на оваа тема:

Најнови вести од: Македонија

Илјадници Албанци во Приштина, заради поддршка на припадниците на УЧК, меѓу нив и лидерот на ДУИ Али Ахмети со извик: „Да живее УЧК!“

Во центарот на Приштина се одржа „Марш за слобода“, собир за поддршка на поранешните водачи на ОВК на кои им се суди во Специјалниот суд во Хаг за воени злосторства извршени на Косово и Метохија во текот на 1998 и 1999 година, пишува rts.rs. На својот фејсбук профил лидерот на ДУИ Али Ахмети, кој присуствуваше на овој марш и митинг, објави: „Денес, во Приштина марширавме за слобода и во поддршка на Ослободителите. Албанскиот народ ги прогласи како невини Хашим Тачи, Кадри Весели, Јакуп Красниќи и Реџеп Селими. Да живее УЧК!“

„Н.М“: Фашизам е обидот на Костадинов и „Преродба“ да го прогласат македонскиот јазик како бугарски!

Лидерот на бугарската радикална десница Преродба, Костадин Костадинов, во бугарското Народно собрание официјално поднесе иницијатива со која бара македонскиот јазик со законски и институционален акт да биде третиран единствено како „бугарски дијалект“. (!?) Ова не е инцидентен настап на Костадинов, туку континуирана платформа на неговата партија Преродба, која преку негирање на македонскиот национален супстрат демонстрира класични фашизоидни елементи, собирајќи евтини политички поени на домашната сцена. Ова се нагласува во политичката анализа со наслов „Анатомија на една фашизоидна провокација“, која ја објави денес весникот „Нова Македонија“. 

За Лант е „глупаво прогласувањето на македонскиот како бугарски јазик“ – дали Костадинов го стори тоа како кандидат за претседател на Бугарија?!

„Бугарските научници, кои тврдат дека концептот на македонскиот јазик бил непознат пред Втората светска војна, или кои продолжуваат да тврдат дека македонскиот јазик не постои, изгледаат не само нечесно, туку и смешно и глупаво! Грчките  научници, кои изнесуваат слични тврдења, покажуваат арогантно незнаење за своите словенски соседи!“ – има констатирано авторот на „Граматиката на македонскиот книжевен јазик“ американскиот славист Хорас Лант во научна статија во 1984 година реагирајќи на постојаните негирање на постоењето и самобитноста на македонскиот јазик. Лант е роден на 12 септември 1918, а починал на 11 август 2010 година. Навршувањето на 108-та годишнина од раѓањето на овој светски признат лингвист е повод да се осврнеме од гледна точка на неговите македонистички истражувања на политичкиот театар, кој го приреди во бугарскиот парламент Костадин Костадинов, лидерот на бугарската ултрадесничарска и националистичка партија „Преродба“. Како пратеник Костадинов поднесе иницијатива македонскиот јазик да биде прогласен и да биде третиран како бугарски јазик. Кажаното од Лант важи денес во целосна мера и за Костадинов: нечесна е и смешна и глупава оваа негова иницијатива за јазикот, кој сиот научен свет го познава и го признава како македонски јазик – идентитетски столб на македонскиот народ.

Битола ја одбележа 84-тата година од смртта на народниот херој Стив Наумов, заедно со народниот херој Мите Богоевски загинати во борба со бугарската полиција

По повод годишнината од смртта на Народниот херој Стив Наумов, делегации од Битола денеска положија цвеќе и се поклонија пред неговиот споменик на Широк Сокак.

Македонското друштво “Илинден“-Тирана најостро ги осудува обидите на Софија за злоупотреба на здравјето на Македонците во Пустец, за да ги бугаризира!

„На 11 септември 2026 бугарски лекари вршеле прегледи во државна амбуланта во Пустец. Бугарската држава со години врши невиден притисок врз Македонците во Република Албанија. На Македонците низ цела Република Албанија им е јасно дека акцијата за бесплатни прегледи треба да биде дополнителна мамка за населението во областа Преспа за негово изјаснување како Бугари.“ – реагира во најостра форма Македонското друштво “Илинден“-Тирана .

Мицкоски: Граѓаните сѐ уште ги плаќаат сметките од бандитските, криминални и ненационални политики на владите на Заев и Ковачевски!

Сметките од работењата на претходните влади на Зоран Заев и Димитар Ковачевски и како тие се справуваа со кризата денес ги плаќаат граѓаните, и не дај Боже некогаш повеќе на Македонија да ѝ се повторат такви влади, изјави премиерот Христијан Мицкоски.
Сите вести од Македонија

Најнови вести

To top