Македонија

Видео: Православните верници ја слават заштитничка на жените, мајките, леунките, рударите и на градот Скопје

Стотици верници се собраа во манастирот кај Матка

Православните верници денеска го слават празникот Успение на Пресвета Богородица. Стотици граѓани и годинава се собраа во манастирот кај Матка, каде се одржа света божествена литургија. Со неа чиноначалствуваше митрополитот австралиско-новозеландски Никола.

„Пресвета Мајко, ти која го прими Несместливиот во својата утроба, прими ги денес нашиве молитви. Ти која го носеше Христа во своите раце, научи нè како да го носиме во нашите срца. Ти која стоеше под крстот, не оставај ги оние што денес стојат под својот крст. Биди со мајките кога плачат, со детето кога се плаши, со старецот кога е сам. Биди со болниот кога чека исцеление. Биди со оној што заминува далеку, биди со оној што останува сам дома. Биди со нашиот град, биди со нашиот народ“, рече тој.

Со запалена свеќа, граѓаните се помолија за здравје и благосостојба.

– Голем празник. Сакам да им честитам на сите мои сограѓани, православни христијани, да е за многу години празникот. Многу здравје, среќа, благосостојба во нивните домови.

– Сите да се добронамерни, добри, со добри мисли…

– За здравје, среќа и еден со друг повеќе да се почитуваме.

На празникот му претходи 14 дневен пост, па по литургијата се одржа чинот на причест.

– Постам, сите пости ги постам и се причестувам.

– Целта на постот е духовно да се изградиме самите себе. Ако можеме да речеме „не“ за некои основни работи, понатаму во животот ќе можеме и за други.

Во духот на хуманоста, во дворот на манастирот традиционално се одржа и крводарителска акција. Меѓу доброволците беше и Димче Филипов, кој досега има дарувано крв дури 83 пати.

„На некој некаде можеби му треба. Спасување живот, едноставно“, изјави Филипов.

Денеска е Успение на Пресвета Богородица

Богородица важи за заштитничка на жените, мајките, леунките, рударите, но и на градот Скопје.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top