„Структури на СДС поддржуваат опасна бугарска пропаганда, која има за цел негирање се што е македонско. Амбасадор на бугарските интереси и пари во Македонија е СДС, и Венко Филипче.“ – нагласува ВМРО ДПМНЕ во своето денешно соопштение.
Натаму ВМРО ДПМНЕ истакнува: Јасно е дека на официјална Софија ѝ пречи се, што застанува во заштита на македонските вредности и државните интереси во Македонија. Јасно е зошто се нападите врз ВМРО-ДПМНЕ, и пред се, претседателот на партијата и премиер Христијан Мицкоски: бидејќи е тој предводник на политиката за заштита на интересите на Македонија и секој еден граѓанин.
Но, тешко е да се поверува што структури од опозициската СДС поддржуваат ваква антимакедонска пропаганда од Бугарија. Срамно е однесувањето на овие структури од СДС, кои ги поддржуваат ваквите активности од Бугарија, имајќи притоа една единствена цел: заштита на личните бизнис-интереси. Бугарите со пропагандата имаат јасна цел и за неа се во игра многу пари. Но срамно е однесувањето на структурите во СДС, предводени од Венко Филипче, што се вклучуваат во ова.
Јасно укажуваме: секој граѓанин ги има прочитано внатрешните структури, кои се вклучуваат во ваква противмакедонска пропаганда. Секој граѓанин знае кој се грижи за нивниот интерес и интересите на Македонија. СДС нема намера да се вклучи во заштита на интересите на Македонија, туку да ги распродава. – порачува ВМРО ДПМНЕ.