Екс министерот за внатрешни работи Оливер Спасовски на верниците им посакува духовен мир со честитка која ја упатува во име на подвизите на голем светец.
Спасовски честитката во име на светецот ја упатува откако заедно со градоначалникот на Крива Паланка Сашко Митовски и пратеникот Љупчо Николовски присуствувал на Света Божествена Литургија во манастирот „Св. Јоаким Осоговски, по повод празникот на чудотворецот кој е патрон на манастирот и светец-закрилник на Крива Паланка.
Свети Јоаким Осоговски бил светител и Божји угодник, кој не бил само човек кој правел подвизи и дал пример само за тоа време, туку подвизи за пример за сите генерации, за тоа како се живее со очистено срце и просветлен ум, на еден повисок духовен степен, пишува Спасовски кој се обраќа во име на подвизите на светецот.
,,Во име на подвизите на овој голем светец, на сите православни верници им посакувам добро здравје и духовен мир.
Нека е за честит и за многу години празникот на Св. Јоаким Осоговски!”, пишува Спасовски.