– Последните добиени резултати покажуваат дека водата е микробиолошки и бактериолошки исправна. Со тоа се исполнети условите водата повторно да се користи за пиење – изјави попладнево директорот на Агенцијата за храна и ветеринарство.
На гостиварци им се препорачува прво да ја истечат водата кога ќе ја пуштат од чешма, а потоа можат да ја користат.
Најавено е дека ќе се прават 3 мерења за квалитетот на водата во Гостивар неделно.
Претходно за најновите информации поврзани со водата за пиење од гостиварскиот водовод седница одржа Главниот штаб за управување со кризи.
Стојанче Ангелов на крајот од прес конференцијата ги покани новинарите да посведочат дека целиот тим ќе се напие вода од чешма, за да докаже дека таа е навистина безбедна за пиење. Потоа сите се напија од водата од гостиварскиот водовод.