Македонија

Вреди: ДУИ, Левица и Арсовска инсценираат меѓуетничка дестабилизација заради политички интереси – За какви планови разговарале Муса Џафери од ДУИ и пратеникот од Левица на нивната средба?

„Вреди изразува длабока вознемиреност, поради координираните напори, што се прават во последните денови за создавање измислени меѓуетнички тензии, со цел да се одвлече вниманието на јавноста од неуспесите и политичката корупција на партиите што веќе се во опозиција. Вчерашниот случај со градоначалничката на Скопје Данела Арсовска, во врска со моментниот осуда на случајот од наша […]

2 минути за читање

„Вреди изразува длабока вознемиреност, поради координираните напори, што се прават во последните денови за создавање измислени меѓуетнички тензии, со цел да се одвлече вниманието на јавноста од неуспесите и политичката корупција на партиите што веќе се во опозиција. Вчерашниот случај со градоначалничката на Скопје Данела Арсовска, во врска со моментниот осуда на случајот од наша страна, е пример за инсценирање меѓуетнички тензии, со реторика за создавање вештачки судири меѓу етничките заедници.“ – реагира коалицијата Вреди во своето соопштение, кое го пренесе ТВ Шења.

Натаму во тоа соопштение на својот фејсбук-профил Вреди наведува: Физичкиот инцидент меѓу некои млади луѓе во Тетово, искористен од портали блиски до ДУИ и Левица, е намерно пренадуен, за да се поттикне поделба и страв. Додека граѓаните бараат стабилност, на фотографија што кружи во јавноста, пратеникот на ДУИ Муса Џафери се гледа како седи на маса со пратеникот на Левица, претставник на најантиалбанската, проруската и дестабилизирачка партија во земјата. За какви планови се разговарало таму? Кој ја нарачал таа средба и со која цел?

Сето ова се случува во клима каде што функционер на ДУИ во општина Шуто Оризаре е под истрага за намерно подметнување пожар, кога во неговата куќа се пронајдени запаливи материјали и сериозни докази, што покренуваат сериозни сомневања за акти на саботажа со тешки последици за жителите. Сите овие настани не се изолирани, тие се дел од опасна стратегија на ДУИ, во тивка соработка со Левица и Данела Арсовска, да предизвика хаос, да го врати стравот и ДУИ конечно да си произведе за себе политичко алиби.

Ова се опасни игри, кои можат да ја поткопаат меѓуетничката стабилност, претставувајќи закана за соживотот и стабилноста на земјата! Вреди ја повикува меѓународната заедница, амбасадите и меѓународните организации внимателно да ја следат оваа намерна и штетна стратегија, да истражат секој случај и да ги спречат криминалците и поттикнувачите на омраза, кои се кријат зад политички знамиња.

Нема да дозволиме заради своите криминални интереси ДУИ да ги користи Албанците како штит, за да ги спасат своите кариери и нивната корупција. Вреди секогаш ќе стои на страната на граѓаните, законот и стабилноста! – истакнува коалицијата Вреди во своето соопштение, пренесено од ТВ Шења.

Најнови вести од: Македонија

Шилегов: Филипче треба да поднесе оставка, поради катастрофалниот рејтинг! – Сосила не може да му се даде памет!

„Не можеме ние претседателот Филипче да го принудиме да поднесе оставка. Ама ако ги имате овие резултати, ако ги имате последните анкети, ако го имате рејтингот на претседателот на партијата, кој е катастрофален, но упорно да тврдиш дека ти си вистинското решение, а никој друг не чини, знаете на човек со сила му се зема, ама не му се дава, вклучително и памет!“ – изјави Петре Шилегов поранешен функционер од СДСМ во интервју за „Фокус“.

Димитриеска-Кочоска: Неопходно е внимателно управување, силни институции и примена на фискалните правила

Фискалната стратегија во претстојниот период ќе се соочи со сложена задача да го усогласи потребното стеснување на буџетот со стимулацијата за економски напредок. Министерката за финансии, Гордана Димитриеска Кочоска, нагласи дека за ова е потребно претпазливо управување, цврсти институции и строго почитување на фискалните прописи.

Вандализам во ОУ „Ванчо Прке“ во Штип: цртани нацистички свастики, демолирани тоалети, оштетени кабинети по предметна настава!

„На 30.4.2026 година, во 6:18 часот, во СВР Штип е пријавено дека во основно училиште на подрачјето на Штип, едно лице насилно влегло во просторија на училиштето, при што оштетило дел од инвентарот (монитори) и испишало графит со недолична содржина. Се преземаат мерки за расчистување на случајот“, соопшти полицијата, која два часа вршеше увид во објектот.

Теодосиевски: Дали шарлатаните од сектата, што глуми партија, не гледаат дека со бугарските шизофрени услови за „Бугари во Устав“ се отвора бездна пред Македонија?!

Денес кај нас станува особено тешко да (си) разјасните дали одделни „групации“ – меѓу нив и оние што глумат политички партии и нивната „интелектуална“ клиентела – се навистина толку глупави па не разбираат за што се залагаат, дали сериозно не разбираат за што станува збор, или нивните (веќе) отворено антидржавни заложби кријат некакви „таинствени“ интереси… Зашто, дури и кога отворено и до детали го предочуваат „историјатот“ на македонско-бугарскиот спор со сите негови нецивилизирани услови и стапици, тие повторно ургираат за некакви „Бугари во Устав“ – и кои, оние 250? – и надминување на само ним познатиот „ќор-сокак“ во македонските евроинтеграции. И зарем кога го препрочитуваат историјатот на сите оние бугарски шизофрени услови навистина не разбираат за што таму станува збор? И веруваат во коренита историска пресвртница со просто внесување на 250 Бугари во Уставот? Каков црн „ќор-сокак“, зарем навистина не го гледаат отворениот пеколен амбис? Ова го пишува Златко Теодосиевски во својата колумна со наслов „Можно ли е да се толку глупави“?

Таравари: УЧК беа борци за слобода, а не албански терористи, да се смени овој шовинистички говор на омраза во спомен-плочата!

Лидерот на Алијансата за Албанците Арбен Таравари побара да се смени текстот од спомен-плочата во касарната „Илинден“, посветена на загинатите припадници на безбедносните сили во масакрот кај Вејце во 2001 година, каде што на 28 април 2026 година министерот за одбрана Владо Мисајловски оддаде почит. Таравари смета дека изразот „Паднати во војна против албански терористи“, кој што стои на плочата, е „неприфатлив и навредлив за дел од граѓаните“. Инаку, масакрот кај Вејце се смета како најкрвав и најбрутален настан во поновата историја на Македонија. На 28 април 2001 година околу 18 часот од заседа биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осумтемина убиени, имало и шестмина повредени. При нападот, од колоната успеало да се извлече последното возило и да јави за нападот. Во тој напад на ОВК (УЧК) убиени се Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).

Мицкоски: Загрижен сум за здравствената состојба на поединци во актуелното раководство на СДСМ

Јавноста е сведок на кампања и речник што не доликува на политичката сцена во Македонија, истакна Мицкоси и рече дека можеби треба да се бара лекарско (уверение) за пристапување во органи на партиите
Сите вести од Македонија

Најнови вести

To top