Македонија

Започна првиот уписен рок на факултетите

На Универзитетот „Св. Кирил и Методиј“ во Скопје денеска стартуваше првиот рок за пријавување на кандидати за запишување во прва година на додипломски студии за академската 2025/2026 година.

На Универзитетот „Св. Кирил и Методиј“ во Скопје денеска стартуваше првиот рок за пријавување на кандидати за запишување во прва година на додипломски студии за академската 2025/2026 година. Пријавувањето ќе трае два дена, на 19 и 20 август.

Според конкурсот на УКИМ, на 23-те факултети се нудат вкупно 9.719 места, распределени на следниов начин:

  • 4.683 места за редовни студенти финансирани од државниот буџет,

  • 4.081 места за редовни студенти со кофинансирање,

  • 955 места за вонредни студенти.

Најмногу слободни места има на следните факултети:

  • Факултет за информатички науки и компјутерско инженерство – ФИНКИ (1.020 места),

  • Природно-математички факултет (910 места),

  • Филозофски факултет (880 места),

  • Филолошки факултет (810 места),

  • Медицински факултет (760 места),

  • Економски факултет (700 места),

  • Правен факултет (610 места),

  • Факултет за електротехника и информациски технологии – ФЕИТ (590 места).

Редовните студенти финансирани од државата ќе плаќаат партиципација од 200 евра, додека студентите со кофинансирање и вонредните студенти ќе плаќаат по 400 евра.

Сите кандидати мора да се регистрираат на www.upisi.ukim.mk и да ја пополнат електронската пријава преку iKnow-системот. Деталните услови за запишување, критериумите, роковите и потребната документација се наведени во конкурсот.

Првиот уписен рок трае на 19 и 20 август. Вториот рок е закажан за 11 и 12 септември, а третиот рок, доколку останат слободни места, ќе се одржи на 24 септември 2025 година.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top