Малески останува советник на Пендаровски иако не се согласуваат за Бугарија

Денко Малески останува надворешен советник на претседателот Пендаровски иако шефот на државата не се согласувал со својот соработник за ставовите околу Бугарија.

Оваа информација е објавена на емисијата “Заспиј ако можеш” на Алфа од каде побарале став на кабинетот на Пендаровски.

Во емисијата беше прочитана следнава реакција од кабинетот на Пендаровски:

Професорот Денко Малески е надворешен советник на претседателот Пендаровски, кој има уште двајца надворешни советници за прашања од областа на надворешната политика. Во Кабинетот, постојани советници за овие прашања се амбасадорот Гоце Карајанов и Александар Људмил. Спасов со кои претседателот е во комуникација на дневна основа.

Освен споменатите, претседателот се консултира и со многу други експерти и професори од академската заедница и од МАНУ. Последните јавно искажани ставови на професорот Малески не кореспондираат со размислувањата и ставовите на претседателот Пендаровски за македонско бугарските односи.

Меѓутоа, тој факт не значи дека претседателот Пендаровски не треба да соработува со професорот Малевски. Одамна е зад нас времето кога сите советници на претседателот и премиерот од прв до последен, имаа задача само да ги повторуваат ставовите на своите претпоставени.

SHARE