Бојан Маричиќ, националниот координатор за европски прашања во Владата вели дека е „гревота“ Гоце Делчев кој за „ Бугарија е исто така важен бугарски јунак“ да не раздвојува.

На прашањето во интервју за Радио слободна Европа, дали со новата методологија се дава сигурност дека Бугарија нема да ја блокира Македонија ако не прифати дека Гоце Делчев е Бугарин?

„Мислам дека на таков начин резолутно не можеме да ги поставиме работите. Она што е важно со Бугарија е да го имплементираме договорот за добрососедство и пријателство. Во духот на тој договор е заедно да прославуваме некои личности и постојат и комисии кои работат на тоа, политичките водства работат на тоа и не верувам дека се работи за тоа да се утврди или признае дали Гоце Делчев е Бугарин, туку многу повеќе од тоа како може да го направиме уште повеќе Гоце Делчев да биде симбол на спојување, бидејќи за нас е секако многу важен македонски јунак, за Бугарија е исто така важен бугарски јунак.

Мислам дека тоа е личност која може да нè спојува, би било навистина гревота да не раздвојува“ -вели Маричиќ.

SHARE