Мицкоски: Нека му се со среќа на Заев Мијалков и останатите

Претседателот на ВМРО-ДПМНЕ Христијан Мицкоски во денешното интервју за централниот дневник на телевизија Сител
рече дека сите оние членови и поранешни функционери од партијата кои му бараат оставка, му помагаат на Зоран Заев да направи владино мнозинство.

“Ценам дека овие луѓе на заслужуваат одговор јавно. Но, тие луѓе му помагат на Заев да формира владино мнозинство. Изнесуваат лични навреди и фрустрации, но сето тоа не наидува на поддршка во паријата и кај граѓаните. Сите тие заедно на купче остануваат верен коалиционен партнер на Заев и со среќа нека му е”, рече Мицкоски.

Мицкоски во интервјуто обвини дека власта на СДСМ прави обид за купување на пратеници од ВМРО-ДПМНЕ и коалицијата Обнова за Македонија, посочувајќи дека на пратениците им се нудат разни повластувања и привилегии, вртоглави суми, како и амнестии за судски случаи.

Ја користам оваа можност во ова денешно интервју да проговорам отворено и за сето она што се погласно се шпекулира изминатите денови во јавноста а тоа се оние обиди да се тргува со пратеници од една или од друга или од трета страна. Јас можам да пренесам дека навистина се згрозувам од тоа што некои од пратениците ми го пренесуваат а тоа како им приоѓаат луѓе кои што се претставуваат од името на луѓето кои што се дел од раководството на СДСМ, па нудат разно разни привилегии за нив, за нивните семејства, се споменуваат шесто, седмо цифрени бројки изразени во евра, амнестии за судски случаи итн. Навистина сето тоа предизвикува брутално згрозување не само кај тие луѓе, туку и кај мене, вели Мицкоски.

Од прилика тоа е онаа иднина која што ја нуди оваа раководство на СДСМ предводено од Зоран Заев и ако некој има некаква дилема дека тоа се случува еве да ја нема, јас лично можам да ви кажам дека неколкумина пратеници кои што се дел од оние 44 а кои што се дел од Коалицијата за Обнова на Македонија веќе имаат искуство кои им приоѓаат и им го ветуваат тоа, па дури на крај да имаат средба со врвот на раководство на СДСМ, додаде Мицкоски.

Претседателот Мицкоски рече дека ваквиот обид за поткуп на пратениците е без успех укажувајќи дека е згрозен од постапката на луѓето кои што сакаат да ја прекројат волјата на граѓаните од овие избори.

Се разбила сите тие се брутално одбиени и згрозени, но исто тоа ми го пренесоа мене и јас навистина сум згрозен од ваквите постапки кои што овие луѓе ги прават, по насока на тоа да ја прекројат волјата на граѓаните од овие избори, истакна Мицкоски.

Мицкоски изјави дека ВМРО-ДПМНЕ ќе продолжи да се бори водејќи се од принципи, децидно отфрлајќи формирање на влада по секоја цена, како и преговорите по диктат и уцени.
Ние сме тука стаменети, цврсти, ќе продолжиме да се бориме како што кажав во минатото ние се води од принципи, од нашата програма, реформите кои што треба да се спроведат за подобро утре, никако преговори под диктат и уцени и не во влада по секоја цена, објасни Мицкоски.

SHARE