Михајловски: Борбата против сè македонско почнува од 1945 година, а завршува со распродавање на историјата (ВИДЕО)

Актерот Тони Михајловски објаснува што им се случува на македонските патриоти по ослободувањето пред 75 години, со кулминација во последните четири години.

„Борбата против сè што е македонско почнува од 1945 година. Таа е во континуитет, а денес го гледаме нејзиниот финиш, го доживуваме крајот на таа борба – распродавање на историјата. Инаку, милион примери од 1945 година навака: струмичките студенти, првиот претседател, сите први партизани од сликите ги нема, Голи Отоци, други луѓе на нивно место… Таа е борба против сè македонско, освестено, со национално чувство, со желба за борба за независна Македонија, слободна. И сега го доживуваме финишот. Финишот го испорачува Зоран Заев, заедно со Али Ахмети во последниве четири години и со сите негови коалициски партнери, но тој е првенецот на тоа. И во таа борба точно ова треба да се случува – треба да исчезнува сè што е македонско, посебно сè што буди емотивни чувства за припадноста, државноста“, вели Михајловски во емисијата „Заспиј ако можеш“ на Алфа ТВ.

„Ние го браниме Гоце Делчев, а не сме го кастирале, не сме направиле да се појави неговиот лик во филм или во серија 30 години. Гемиџиите требаше да се појават (на филм – н.з.) за да го оправдаат својот споменик. Самоил требаше да се појави за да го оправда својот споменик. Филмовите за тие споменици ќе го оправдаа нивното постоење“, додава тој.

SHARE