Муцунски до Јанчев: Можеш да преземеш А.Д. не и ВМРО-ДПМНЕ

ВМРО-ДПМНЕ е политичка партија, а не акционерско друштво за да се преземе, порачува професорот Тимчо Муцунски кој меѓународниот секретар на партијата и нов народен пратеник во Парламентот.

Пораката од Муцунски е објавена откако денеска градоначалникот на Кавадарци и поранешен потпретседател на ВМРО-ДПМНЕ, Митко Јанчев, најави дека ќе ја преземе партијата.

„За мене терминологијата е многу значајна. ’Преземање‘ се прави на корпоративен ентитет. Постојат повеќе видови на преземања коишто ги познава современото корпоративно управување. За разлика од корпоративниот свет, во науката за политиката и политичката пракса статусот/функцијата во демократските земји се здобива преку демократски методи. ’Демократија‘ и ’преземање‘ се веројатно два најдалечни поими во еден современ политички систем. Во таа смисла, ВМРО-ДПМНЕ не е акционерско друштво туку политичка партија. Оттука, легитимитетот го дава и го одзема највредниот дел од партијата – членовите“, напиша Муцунски на Фејсбук.

Што порача Јанчев?

Митко Јанчев најави дека ќе го преземе ВМРО-ДПМНЕ

SHARE