На неговиот прв ден во Владата татко и чичко на министер добиле тендер

На првиот ден како министер во Владата блиски роднини на министерот за транспорт и врски Благој Бочварски добиле тендер во општината која тој ја водеше речиси три години.

Бочварски е избран за министер на 31 август а фирмата Де Лукс ДОО веќе наредниот ден добива тендер од општина Штип.

Според достапните документи на 1 септември општина Штип склучила договор или рамковна спогодба со фирмата на братот на таткото и таткото на министерот Бочварски.

Тоа значи дека тендерот е подготвен и одлуката кој ќе го добие била донесена додека Бочварски бил градоначалник на Штип.

Во нормална држава која сака да влезе во ЕУ Антикорупциската комисија и Јавното обвинителство веднаш би пристапиле кон истрага на тендерот поради непотизам, корупција, злоупотреба на службена должност.

SHARE