Нè чека функционална федерализација, вели пратеникот Стоилковиќ

Победата на Стево Пендаровски на претседателските избори им изгледа застрашувачки на сите освен на Албанците, вели лидерот на Демократска партија на Србите во Македонија, Иван Стоилковиќ.

Изборите покажаа дека 25 отсто Албанци владеат со целата земја, констатира пратеникот на опозициската коалиција „За подобра Македонија“.

„Албанците од божем загрозенио малцинство дојдоа до тоа да управуваат со Северна Македонија. Во пракса тоа по две години владеење на Зоран Заев изгледа вака: ‘Ние Албанците ќе кажеме кој ќе биде претседател на Влада, претседател на Собрание и претседател, како што велат тие, на ‘вашата држава’“, го цитира Стоилковиќ порталот „Србија данас“.

„Промената на името е само почеток на она што ја чека Северна Македонија во наредниот период. Поконкретно, нè чека функционална федерализација, бидејќи на подолг временски рок нема да може да биде игнорирана волјата на мнозинскиот македонски народ“, смета пратеникот.

SHARE

Оставете коментар