Нов скандал на протоколот на Заев, Папата ставен во нелагодна ситуација (ВИДЕО)

Откако лани го пречекаа австрискиот премиер со знамето на Летонија а американски секретар за одбрана беше пречекан со метла, протоколот на премиерот направи нова грешка и го стави во незавидна ситуација папата Франциск кој денеска пристигна во Скопје.

Протоколарниот скандал се случи утринава кога Папата Франциск пристигна на скопскиот аеродром, а таму беше пречекан од претседателот Ѓорѓе Иванов и премиерот Зоран Заев.

Во моментот кога премиерот Заев тргна да му ја бакне раката, папата не му дозволи.

Иванов не се ни обиде да ја баци раката на Франциск најверојатно предупреден од неговиот протокол дека тоа е погрешен чекор.

За тие што не го знаат прашањето за бакнувањето на раката на Франциск тој може да делува надмено затоа што ја повлекол раката пред устата на Заев и затоа протоколот на премиерот морал навреме да реагира.

Прашањето за бакнување рака на папата е веќе апсолвирано во светот откако лани во мај во градот Лорето светските медиуми забележаа дека Франциск одбива бакнување на рака.

Од тогаш сите државници кои го пречекуваат освен Заев знаат дека не треба да се обидат да му ја бацат раката или папскиот прстен од две причини.

Едната е затоа што “тој не е римски император туку господов слуга” како што објаснуваат негови соработници а втората е хигиенска. Папата не сака да им пренесува бактерии на верниците.

Видеото по кое за цел свет освен за Заев стана јасно дека папата не сака бакнежи на раката.

А Заев денеска не беше единствен што го прекрши протоколот

Уште еден гаф на владиниот протокол, вицепремиерот со рацете во џеб го чека папата (ФОТО)

SHARE

Оставете коментар