ОЈО нема истрага за Рашковски, но будно следи

Основното јавно обвинителство не отворило истрага за генералниот секретар на Владата, Драги Рашковски по допрен глас за случајот со тендерот на италијанската фирма Леонардо за М-НАВ, но соопштуваат дека будно следат и доколку утврдат елементи на кривично дело, ќе постапат според законските надлежности.

Во моментов, само Антикорупциската комисија ја истражува аферата во која е вклучен Рашковски. Од оваа институција, минатата недела исмено се обратиле до Владата и до М–НАВ,, за да им ја испратат целокупната документација поврзана со набавката, но се уште немаат добиено повратен одговор.

Од Антикорупциска најавија детална истрага за случајот со набавката на радарски систем за Контрола на летање, односно М-НАВ, каде што главниот фокус ќе биде улогата на владиниот функционер Рашковски и неговата улога во потпишувањето на договорот во вредност од 7 милиони евра со италијанската компанија „Леонардо“.Тие веќе ги побарале документите од М-НАВ за набавката. Комисијата ќе ги истражува и причините зошто договорот со компанијата Леонардо, е потпишан во 2018, две години откако фирмата е избрана да го изгради новиот радарски систем.

Досега беа објавени две аудио-снимки од кои може да се претпостави дека генералниот секретар на владата не смеел да преговара со италијанската фирма „Леонардо“ за купување на безбедносен систем, бидејќи тендерот не бил комплетиран.

SHARE