„Воопшто не размислувам за пораз, јасно е дека ќе победиме прво во првиот, а потоа и во вториот круг. Ова ќе бидат кристално чисти, фер и демократски избори и во такви услови победата е повеќе од сигурна“, изјави во денешното интервју за „Фокус“ претседателскиот кандидат Стево Пендаровски на провокативното прашање што ќе прави доколку изгуби на претседателските изгуби.
Пендаровски не само што е убеден во победа, туку вели дека ќе се кандидира и за втор мандат.
„Ќе пробам да се кандидирам за втор мандат секако, доколку имам поддршка од граѓаните“, вели Пендаровски за „Фокус“.
Неделникот Фокус“, како што информираат од Редакцијата, планира да направи интервјуа и со кандидатите Гордана Силјановска Давкова и со Блерим Река.
Извор: Фокус
