Петифер: Стејт департмент се обиде да го уништи ВМРО, но не успеа

Британскиот професор Џејмс Петифер ги поздрави резултатите од првиот круг на претседателските избори во Македонија и констатира дека ВМРО-ДПМНЕ не е уништена, и покрај таквите напори на САД, како што вели.

„Стејт департмент на САД се обиде да го уништи ВМРО минатата година за да стартува нова Југославија. Како и Османлиите, и кралските Југославени, тие не успеаја. Нешто основано во 1893 година има длабоки корени“, напиша Петифер на Твитер како реакција на насловот во „Република“: „ВМРО презема иницијатива по првиот круг од претседателските избори во Македонија“.

Во друг твит професорот по балканска историја на колеџот „Сент Џорџ“ од Оксфорд се осврна на самите избори.

„Темелно добар резултат за земјата, за нејзиниот идентитет и за владеењето на правото против манипулациите на Стејт департмент со невладините организации на Сорос“, твитна тој како одговор на изјавата на Силјановска во наслов од „Прес 24“: „Победата на 5 мај ѝ ја должиме на Македонија и гордо ќе ја запееме химната“.

SHARE

Оставете коментар