Околу 209.000 македонски домаќинства или 37 % имаат проблем на време да си ги платат сметките греење, електрична енергија, гас, вода, покажуваат податоците на Европското статистичко биро „Евростат“.

Овие податоци се однедуваат за 2018 година, а претходните години земјава котирала полошо. 

Ова е полошо од просекот во регионот каде една третина од домаќинствата имаат проблем со подмирувањето на сметките во последните 12 месеци.

Дури 35,6 проценти од Грците и 30.1 % од Бугарите го имаат истиот проблем.

Од земји кандидати за ЕУ прва е Македонија со најлош процент од 36,9 од домаќинствата кои не миожат на време да си ги платат режиските трошоци. Подобри од нас се и Србите каде со ваков проблем се соочуваат 28,4 проценти од домаќинствата.

Податоците на „Евростат“ покажуваат дека состојбата во земјава претходните години била дури и полоша од 2018 година за кога се однесува истражувањето. Убедливо најлошо било во 2016 година – кога 41 процент од домаќинствата во земјава или над 232.000 домаќинства го имале овој проблем. Претходната 2015 година овој процент изнесувал 40, за во 2017 да падне на 38,6 проценти.

SHARE