Поранешиот спикер Трајко Вељановски е приведен за настаните од 27 април, потврдуваат за „Фокус“, од Обвинителството за организиран криминал.

Пратеникот е уапсен како осомничен во истрагата која обвинителството ја води за организаторите на насилниот упад во Собранието на 27 април.

На Вељановски во обвинителството ќе му се презентира што му се става на товар, но тој вечерва не може да биде ставен во притвор бидејќи засега го штити пратеничкиот имунитет, дознава „Фокус“.

Покрај Вељаноски приведени се и поранешниот министер за транспорт и врски Миле Јанакиески и некогашниот министер за образование Спиро Ристовски. Сите тројца се на однесени на распит во судот и за сите нив обвинителството бара притвор.