Протугер за Љубчо Георгиевски: Никој не го гони за Окта

Новинарката Ида Протугер Вељковиќ испровоцирана од ТВ интервју на екс премиерот Љубчо Георгиевски потсетува дека тој направил штетен договор со грчка компанија која Македонија ја чини десетици милиони евра а тој никогаш не одговарал за тоа.

” Која иронија од држава е Македонија. Се појавува Љубчо Георгиевски, творецот на Договорот со Хеленик Петролеум за рафинеријата ОКТА, на ТВ 24 на интервју, во истиот ден кога на вестите објавуваат дека Хеленик повторно ја тужи Македонија и бара отштета од 32 милиони евра.

Во Договорот, кој само ако се прочита се гледа дека е коруптивен, во член 10 стои обврска Македонија до 2000 година да откупува 400.000 тони мазут, а од 2001 до истекот на Договорот (годинава) да откупува 500.000 тони мазут.

И тогаш експертите предупредуваа дека од такви колични Македонија никогаш во историјата ниту имала потреба, ниту ќе има, макар ТЕЦ Неготино работи во полн капацитет. Значи владата на Георгиевски ставила одредба на директна штета на македонските граѓани за која во 2007 година Македонија веќе плати отштета од 40 милиони долари по првата тужба на Хеленик.

Пари кои можеа да бидат употребени за болници, училишта итн.

Сега следува тужба за “непокриениот период” односно од 2008 година до истек на Договорот бидејќи Македонија, фала на прашање, немала потреби од 500.000 тони мазут за кој Георгиевски со Договорот гарантирал откуп.

Инаку и Светска банка за тој Договор во време на потпишувањето го нарече коруптивен. Сега Хеленик бара нови 32 милиони евра, веројатно ќе се преговара околу нафтоводот кој иако го градеа македонски даночни обврзници, којзнае дали ќе видат некој ќар.

И така творецот на Договорот Георгиевски, дотеран крцка, си часка со новинарот за уставни измени, си поддржува амнестија на колегите политичари, природно, бидејќи самиот ја ужива слободата на непонесување одговорност, а за Договорот и новата тужба поради потписот на неговата влада ни збор. Ни прашање.

Ниту една институција до сега не го повикала Георгиевски на одговорност за овој Договор. Ниту до ниво на истрага.

И така во затвори ќе лежат ситни криминалци, граѓаните ќе се тресат на секое пречекорување на дозволен минус и неплатени две сметки, а политичарите и крупните криминалци ќе си уживаат на слобода со милиони, богати и среќни.

Кој може да побегне од таа земја нека бега. За жал, таму нема никогаш да има правда, ниту мир”, пишува Протугер за Љубчо Георгиевски кој беше премиер од 1998 до 2002 година.

SHARE

4 Коментари

  1. Ete taka neka e, a se zaprashala li doticnata dali ima posteten dogovor za Republika Makedonija od tkn. Prespanski dogovor? I so recnikot na parite sto taa ocigledno edinstveno go razbira, neka kaze kolku ja cini Makedonija ovoj dogovor.so koj drzavata na makedonskiot narod i samite Makedonci se brishat od mapata na zivi narodi i drzavi? Kolku cini “ubistvoto” na Makedonija i zosto, ako vazat zakonite i pravnata drzava, ubijcite ne se zad resetki?

    • А ти Емилија, си се запрашала ли дека твојот миленик Љубчета излезе и јавно пред референдумот повика на промена на името Македонија и со тоа го поддржа токму тој капитулантски договор кој го потпишаа квислинзите Зорани и тутабугарчето Димитров????
      Емилија, Зарем уште чуствуваш потреба да браниш изрод-квислинг како Љубчета, и која е разликата помеѓу него и големиот Квислинг Зораните???

  2. Хм, одлична пародија, имаме човек, срам не срам морам да признам тутабугарчета Љ.Ѓ. беше и премиер на Македонија, денес говори за “неговата Македонска приказна“, а самиот тврди дека имал балгарска самосвест и љубов кон Балгарија! (што ли мајка бара во Македонија, зошто на овој изрод не му се одземе државјанството, до кога ќе се срамиме од него?)
    Имав дилеми за уредувачката пољитика на ехпрес.мк – кој ја проектира, морам да речам, дека веќе е јасно, не мора повеќе да докажувате! (според принципот: ако еден ти рече дека си магаре, ти му се насмеј; ако двајца ти речат дека си магаре, ти застани и размисли; а ако тројца ти речат дека си магаре – е тогаш останува само да си купиш самар,,, па така и вашата уредњичка пољитика ми стана јасна, три пати промоција на балгарштината е доволно!)

  3. ЈАС ЗНАМ ДЕКА НА ДОТИЧНАТА НОВИНАРКА ПРОТУЃЕР И Е ЦЕЛОСНО ЈАСНО ЗОШТО НЕ Е ГОНЕТ ОВОЈ И УШТЕ ПОВЕЌЕ ТАКВИ ЗА БИЛО КАКОВ КРИМИНАЛ. ДОГОВОРОТ СО БРАНКО НА ПРИМОПРЕДАВАЊЕТО НА ВЛАСТА ГЛАСЕШЕ ,,ШТО ОСТАНА ЗЕМИ А ЗА ОНА ШТО ЗЕМАВМЕ НЕ НЕ ЧЕПКАЈТЕ,,. НИКОЈ НЕ ЧЕПКА ЗА ПРИВАТИЗАЦИЈАТА И ТОА ЗА БЕЗ ПАРИ, НИКОЈ НЕ ЗБОРУВА ЗА ХЕЛИКОПТЕРИТЕ КОИ НОСЕА КОН ЦРНА ГОРА СЕ И СЕШТО, НИКОЈ НЕ ПОКРЕНА НИШТО ЗА ТАТ СО ЦРНИТЕ ВРЕЌИ И ТРЕНЕРКИ. НИКОЈ НЕ ПОКРЕНА ПОСТАПКА ЗА АФЕРИТЕ ,,НАДЕЖ 1 И 2,, ЗА ОКОЛУ 380 ИЛЈАДИ ЕВРА. ЉУБОВТА Е НАЈСЛАТКА ПРЕКУ МИЛИОНЧИЊАТА ЕВРИЊА, ПРЕКУ ТЕНДЕРЧИЊА КОИ СЕ ПРАВАТ ВО ТЕСЕН КРУГ. ЗА НАРОДОТ И ДРЖАВАТА АМА БАШ НИКОМУ ОД ОВИЕ НЕ ИМ Е ГРИЖА КАКО И ДА СЕ ВИКА, БИДЕЈЌИ ПАРИТЕ НЕ ГУБАТ ВО ВРЕДНОСТ ВО НОВО ИМЕНУВАНА ДРЖАВА, БЕЗ ЈАЗИК, ИСТОРИЈА А ПОТОА И ТЕРИТОРИЈА!!???

Comments are closed.