Од утре на полноќ Албанија ќе биде целосно изолирана. Премиерот Еди Рама најави дека копнената граница на Албанија ќе биде отворена само за транспорт на стоки.

„Од утре, недела на 15 март на полноќ, 00:00 часот, целосно се забранува влез во Албанија од Црна Гора, Косово, Северна Македонија и Грција за сите патници со автобуси, микробуси или автомобили! Копнената граница на Албанија ќе остане отворена единствено за транспорт на стока. Страв ни најамалку, внимание да! – напиша Рама на социјалните мрежи.

Во Албанија, според минстертвото за здравство, до сега регистрирани се 38 лица заразени со коронавирус, едно лице почина додека две се во тешка здравствена состојба.

Премиерот Еди Рама ги повика пензионираните лекари специјалисти кои се во можност да дојдат во здравствените установи,за што ќе добијат награда од по 1.000 евра плус од пензијата.

SHARE