Бугарскиот пртседател Румен Радев во петокот ѝ даде последна шанса на Алијансата за права и слободи (АПС) да се обиде да формира влада, но партијата го одби барањето, станувајќи трета што тоа го направи оваа недела.
„Ви го предавам овој мандат и како симбол на владеењето на правото и како симбол на националното единство и против секој обид на себични политичари да поттикнат меѓуетнички тензии, за кои нема основа во Бугарија и кои им служат на нивните теснопартиски интереси и, пред сè, на лични интереси“, рече Хаири Садаков, претседател на парлементарната група на АПС, му се заблагодари на шефот на државата за довербата во доделувањето на трет мандат.
„Одиме на избори“, изјави претседателот Румен Радев.
Според уставната процедура, Радев прво побара од коалицијата ГЕРБ-СДС да формира влада, но тие го одбија мандатот. Подоцна, и проевропската коалиција ПП-ДБ одби да се обиде да состави кабинет,
Ниту една партија или коалиција во актуелниот, силно фрагментиран парламент нема доволно пратенички места за да обезбеди стабилно мнозинство. Владата на премиерот Росен Жељасков, од популистичката партија ГЕРБ, поднесе оставка минатиот месец по недели масовни улични протести.
Сега се очекува шефот на државата да одржи консултации со лицата од таканаречената „Домашна книга“ со потенцијални кандидати за привремен премиер. Откако ќе се избере лицето што ќе ја предводи привремената влада, претседателот издава два декрети – за негово назначување и за одредување датум за предвремени парламентарни избори.