Градоначалникот на Вуковар, Маријан Павличек, побара од организаторите на изложбата на фотографии од „српски жени“, – Српскиот културен центар Вуковар, Заедничкиот совет на општини и Генералниот конзулат на Република Србија – да ја одложат изложбата, која требаше да се отвори во вторник,.
„Бидејќи сме во Деновите на сеќавање на жртвите од Вуковар, во деновите на сеќавање на 2.717 загинати и исчезнати хрватски бранители и цивили во големосрпската агресија, барам организаторите да ја одложат изложбата до по ноември“, напиша Павличек на својата Фејсбук страница.
Тој додаде дека секое национално малцинство има право да ја негува својата култура и обичаи, но дека организаторите мора да бидат свесни дека ноември е месец на најголемо страдање на хрватскиот народ, особено во Вуковар.
„Секој сантиметар од градот Вуковар е натопен со крвта на хрватските бранители, речиси и да нема хрватско семејство кое не изгубило некого од своите најблиски во текот на ноември“, напиша Павличек, оценувајќи дека одржувањето на изложбата во деновите на жалост би било несоодветно и предупредувајќи дека ваквите настани би можеле да се сфатат како провокација.
Во изјава за Хина, Павличек рече дека дознал за изложбата „Србинка, хероина на Големата војна“ утрово и дека нема информации дали изложби на Српскиот културен центар биле одржани во ноември во претходните години, но дека слични културни манифестации на српската заедница низ цела Хрватска наишле на различни реакции на јавноста во последните денови.
„Како градоначалник на Вуковар, јас сум одговорен пред сите граѓани. Затоа побарав одложување на изложбата“, рече Павличек. Тој исто така изјави дека голем дел од Хрватите во градот ја сметаат изложбата за несоодветна, особено во пресрет на Денот на сеќавањето на жртвите од Вуковар и само неколку дена пред Колоната на сеќавањето, на 18 ноември.
„Нема ниту еден сантиметар од вуковарската почва што не е натопена со крвта на хрватските бранители, ниту семејство кое не изгубило некого близок во „татковинската војна“ од пред 30 години