Регион

Петмина загинати откако украински возач на комбе удри во приколка на Русин во Словенија

Сите жртви се од возилото управувано од Украинецот на автопатот кај Словенске Коњице кон Љубљана

1 минута за читање

Пет лица, сите странски државјани, загинаа утрово во тешка сообраќајна несреќа на автопат во словенечкиот регион Штаерска, соопшти Полициската управа за словенечката новинска агенција СТА.

Возач на комбе, украински државјанин, удрил со предниот дел од возилото во задниот дел од приколка управувана, според првичните информации, од возач од Русија, кој не е повреден во несреќата.

„Причина за сообраќајната несреќа е неприлагодена брзина. Возачот, украински државјанин, удрил во задниот дел од запрена приколка“, соопшти полицијата.

Според досегашните информации, возачот на комбе со украински регистарски таблички, кое превезувало седум лица, удрил во задниот дел од приколка која стоела во колона поради изградба на автопат.

Во комбето имало седум патници, од кои петмина починале. Возачот, кој ја предизвикал несреќата, е полесно повреден, а еден патник е тешко повреден. Двајца учесници во несреќата се пренесени во болница, а тешко повредениот патник е пренесен со хеликоптер.

Автопатот беше затворен пет часа. Според инспекторот Божиќ од Полициската станица Целје, камионот веќе е отстранет од местото на несреќата, па сообраќајот сега може да се одвива нормално, а во областа сè уште има голем број полициски патроли.

 

Поврзани теми:

автопат|Русин|приколка|словенија|сообраќајка|комбе|Украинец

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top