За време на денешна средба во Вила Водно, петседателот Ѓорѓе Иванов на Папата Франциско му подари резбан албум со авторски фотографии од христијанското културно-историското наследство на Македонија.
Станува збор за албум со 153 авторски фотографии низ кои е претставен дел од милениумската христијанска историја, традиција и уметност во Македонија. Фотографиите се укоричени во резба изработена од охридски копаничар.
Меѓу нив има ранохристијански мозаици и базилики, средновековни цркви, фрески, икони и ракописи, како и резбани иконостаси од македонските манастири.
