Најновата анкета која покажува дека ако идната недела има избори ќе победи опозицијата не се прифаќа од власта.
За СДСМ анкетата на Институтот за политички истражувања е “лажирана и го потврдува стравот на ВМРО-ДПМНЕ од решителноста на граѓаните да изберат светла иднина наместо темно минато, се вели во соопштението на владеачката политичка партија”.
Според СДСМ овој институт е добро познат за јавноста кога во минатото објавуваше нарачани анкети со предност на ВМРО-ДПМНЕ од 3:1.
СДСМ мината недела не реагираше на анкетата на Македонскиот Центар за меѓународна соработка според која разликата меѓу СДСМ и ВМРО-ДПМНЕ е само 0,4 % односно уште помала од разликата која ја објави ИПИС каде власта има предност од 0.6 % пред опозицијата на прашањето во која партија имате доверба.
За разлика од ИПИС чија анкета СДСМ не ја признава, владеачката партија нема проблем со МЦМС и агенцијата М – Проспект која ја спроведе анкетата со која исто така значително се намалува разликата меѓу двете најголеми македонски партии.
Според анкетата на ИПИС ако идната недела има избори ќе победи опозицијата.