Огнен Стефановски постави нов државен рекорд на Македонија во десетобој од 7.189 поени при освојувањето на второто место на Првенството на Словенија во оваа дисциплина што се одржа минатиот викенд во Марибор.
Резултатот на 21-годишниот најдобар македонски десетобоец е подобар за 541 поен од претходниот македонски рекорд исто така во негова сопственост од Европското првенство до 23 години во Берген, Норвешка, во јули минатата година.
Во својот само шести официјален натпревар во десетобој, Стефановски собори лични рекорди во девет од десетте дисциплини при настап во најсестраната, освен во фрлање копје!
Членот на атлетскиот клуб Делта од Скопје е македонски рекордер и во скок со стап, како и во седмобој во сала.