Охрид десеска во знакот на свеченостите со кои се обележува 1.000 години постоење на Охридската архиепископија.
Прослава на јубилејот започна со молебен што се одржа попладнево во Св. Климентовиот храм Св. Пантелејмон на Плаошник.
Централното чествување е заокружено со свечена академија која во овие моменти се одржува во храмот Св. Софија, на која покрај црковните великодостојници присуствува и државниот врв.
Да се обединиме и да ја продолжиме мисијата на МПЦ која е жива црква и во духовен раст порачаа владиката г.г. Стефан, премиерот Зоран Заев и претседателот Ѓорѓе Иванов на свечената академија.
