Бугарскиот политичар и поранешен европратеник Ангел Џамбаски, со безобразна критика кон словенечката европратеничка Ирена Јовева за нејзиниот говор во одбрана на Македонија пред гласањето во Европскиот парламент минатата недела.
Бидејќи Јовева, која е од македонско потекло, им се обрати на своите бугарски колеги во Европскиот парламент на македонски јазик кога се гласаше за извештајот за напредокот на земјата, Џамбаски ја нападна нарекувајќи со погрдни зборови.
Тој тврди дека Јовева е од бугарско потекло.
„Еден од најзлобните, најбесните бугаромразци во Европскиот парламент е оваа дама. Нејзиниот татко е Бугарин од Босилеград, за кого вели дека е „Бугарин роден во Србија“, а нејзината мајка е „Македонка“ родена во Скопјe. Јовева постојано изразува вистинска омраза кон Бугарија и Бугарите, го негира постоењето на македонските Бугари, ја негира бугарската историја и наследство во денешна РС Македонија. За ова однесување, поговорки колку сакате, но едно нешто не смееме да заборавиме.
Токму ова е резултат на бруталната асимилација и геноцид врз Бугарите во окупираните западни бугарски периферии и во Македонија од страна на српско-комунистичките сатрапи и предавничката политика на бугарските влади од 9 септември 1944 година до денес. Без исклучоци и без извинувања“, напиша Џамбаски на Фејсбук.